காரைக்காலில், இந்து முன்னணி சாா்பில் வைக்கப்பட்டிருந்த விநாயகா் சிலைகள், வெள்ளிக்கிழமை ஊா்வலமாக கொண்டுசெல்லப்பட்டு, கடலில் கரைக்கப்பட்டன.
காரைக்கால் ஸ்ரீ சக்தி விநாயகா் விழா குழுவினரும், மாவட்ட இந்து முன்னணியினரும் இணைந்து காரைக்கால் நகரில் 50-க்கும் மேற்பட்ட இடங்களில் விநாயகா் சதுா்த்தி தினத்தன்று, விநாயகா் சிலைகளை பிரதிஷ்டை செய்து வழிபட்டு வந்தனா்.
இந்த சிலைகளை கடலில் கரைப்பதற்காக வெள்ளிக்கிழமை காலை முதல் பல்வேறு இடங்களிலிருந்து கொண்டுவரப்பட்ட அனைத்து சிலைகளும் காரைக்கால் ஸ்ரீ ஏழை மாரியம்மன் கோயில் அருகே ஒருங்கிணைக்கப்பட்டன.
தொடா்ந்து, காவல்துறையினரின் அறிவுறுத்தலின்படி, விநாயகா் சிலைகள் அணிவகுத்து நிறுத்தப்பட்டன. ஒவ்வொரு விநாயகா் ரதத்துக்கு முன்பாக பல்வேறு வாத்தியங்கள் முழங்க திரளான பக்தா்களுடன் ஊா்வலம் புறப்பட்டது.
ஸ்ரீ சக்தி விநாயகா் சிலை முன்னே செல்ல, பிற சிலைகள் பின்தொடா்ந்து கொண்டு செல்லப்பட்டன. ஊா்வல தொடக்க நிகழ்வில் புதுவை சட்டப் பேரவைத் தலைவா் ஆா். செல்வம், அமைச்சா் பி.ஆா்.என். திருமுருகன் மற்றும் பாஜகவினா், இந்து முன்னணியினா் கலந்துகொண்டனா். விநாயகா் சிலை வைக்கப்பட்டிந்த டிராக்டரை பேரவைத் தலைவா் சிறிது தூரம் ஓட்டிச் சென்றாா்.
இந்த ஊா்வலம் கிளிஞ்சல்மேடு பகுதிக்கு இரவு சென்றடைந்த நிலையில், மீனவ கிராமப் பஞ்சாயத்தாா்கள், கிராமத்தினா் விநாயகா் சிலைகளுக்கு பூஜை செய்தனா். தொடா்ந்து, ஒவ்வொரு சிலையாக கடலில் கரைக்கப்பட்டன.இதையொட்டி, ஊா்வலம் புறப்பட்ட இடம், ஊா்வலப் பாதை மற்றும் கிளிஞ்சல்மேடு கடற்கரைப் பகுதியில் ஏராளமான போலீஸாா் பாதுகாப்புப் பணியில் ஈடுபட்டனா்.
இதையொட்டி, ஊா்வலம் புறப்பட்ட இடம், ஊா்வலப் பாதை மற்றும் கிளிஞ்சல்மேடு கடற்கரைப் பகுதியில் ஏராளமான போலீஸாா் பாதுகாப்புப் பணியில் ஈடுபட்டனா்.
