அரியூா் அருகே காா் ஓட்டுநா் மா்மமான முறையில் இறந்து கிடந்தாா்.
வேலூா் மாவட்டம், அணைக்கட்டு வட்டம், தெள்ளூா்பாளையம் மாரியம்மன் கோயில் தெருவைச் சோ்ந்த காா் ஓட்டுநா் அமலநாதன் (40), இவரது மனைவி கண்ணகி(37). அமலநாதன் கடந்த சில மாதங்களாக வேலைக்கு செல்லாமல் வீட்டில் இருந்து வந்ததாக கூறப்படுகிறது. இதனால் தம்பதி இடையே அடிக்கடி தகராறு ஏற்பட்டுள்ளது.
கடந்த 20-ஆம் தேதி அமலநாதன் வேலைக்கு செல்வதாக கூறிவிட்டு சென்றவா் பின்னா் வீடு திரும்பவில்லையாம். அவரை குடும்பத்தினா் தொடா்பு கொள்ள முயன்றும் முடியவில்லை என தெரிகிறது.
இந்நிலையில், பூதூா் கிராமத்தில் உள்ள அரிசி ஆலை அருகே அமலநாதன் திங்கள்கிழமை சடலமாக கிடந்துள்ளாா். தகவலறிந்த அரியூா் போலீஸாா் விரைந்து சென்று சடலத்தை மீட்டு பிரேத பரிசோதனைக்காக வேலூா் அரசு மருத்துவமனைக்கு அனுப்பி வைத்தனா். மேலும், இச்சம்பவம் குறித்து வழக்குப்பதிவு செய்து விசாரணை நடத்தி வருகின்றனா்.
