காா் கவிழ்ந்ததில் இருவா் பலத்த காயம்

ஒட்டன்சத்திரம் அருகே டயா் வெடித்து காா் கவிழ்ந்ததில் இருவா் பலத்த காயமடைந்தனா்.

திண்டுக்கல் மாவட்டம், ஒட்டன்சத்திரம் அருகே உள்ள சத்திரப்பட்டி கோபாலபுரத்தைச் சோ்ந்த சுரேஷ் (30), நல்லமநாயக்கனூரைச் சோ்ந்த சுப்பிரமணியன் (28) ஆகிய இருவரும் சத்திரப்பட்டியிலிருந்து ஒட்டன்சத்திரம் நோக்கி திண்டுக்கல் புறவழிச்சாலையில் காரில் சென்று கொண்டிருந்தனா். காரை சுரேஷ் ஓட்டிச் சென்றாா்.

அப்போது காவேரியம்மாபட்டி பிரிவு அருகே வந்தபோது காரின் முன்பக்க டயா் வெடித்தது. இதனால் கட்டுப்பாட்டை இழந்து எதிா்திசையில் தலைகுப்புற காா் கவிழ்ந்தது. இதில், சுரேஷ், சுப்பிரமணியன் இருவரும் பலத்த காயமடைந்தனா்.

ஒட்டன்சத்திரம் அரசு மருத்துவமனையில் சோ்க்கப்பட்ட இவா்கள், தீவிர சிகிச்சைக்காக திண்டுக்கல் அரசு மருத்துவமனைக்கு அனுப்பி வைக்கப்பட்டனா். இதுகுறித்து ஒட்டன்சத்திரம் போலீஸாா் வழக்குப் பதிந்து விசாரிக்கின்றனா்.