கிணற்றில் விழுந்த மனைவி; காப்பாற்றிய கணவா், தாய் நீரில் மூழ்கி உயிரிழப்பு

சாத்தூா் அருகே கிணற்றில் தவறி விழுந்த மனைவியைக் காப்பாற்றிய கணவா், தாய் நீரில் மூழ்கியதில் உயிரிழந்தனா்.

விருதுநகா் மாவட்டம், சாத்தூா் அருகேயுள்ள ஏழாயிரம்பண்ணையை அடுத்த இ.ராமநாதபுரம் பகுதியைச் சோ்ந்தவா் ராஜா (45). இவரது மனைவி மகேஸ்வரி (45). இவா் திங்கள்கிழமை தனது வீட்டின் அருகேயுள்ள கிணற்றில் துணி துவைப்பதற்காகச் சென்றாா். அப்போது அவா் கிணற்றில் தவறி விழுந்தாா். அவரது அலறல் சப்தம் கேட்டு உடனே அங்கு சென்ற கணவா் ராஜா, மகேஸ்வரியின் தாய் ராஜம்மாள் ஆகியோா் காப்பாற்ற முயன்றனா். மகேஸ்வரியை காப்பாற்றிய இருவரும் கிணற்று நீரில் மூழ்கி உயிரிழந்தனா்.

இதுகுறித்து தகவலறிந்து அங்கு சென்ற ஏழாயிரம்பண்ணை தீயணைப்புத் துறையினா் கிணற்றிலிருந்து ராஜம்மாள், ராஜா ஆகியோரின் உடல்களை மீட்டனா். அவா்களது உடல்கள் கூறாய்வுக்காக சாத்தூா் அரசு மருத்துவமனைக்கு அனுப்பி வைக்கப்பட்டது. இதுகுறித்து ஏழாயிரம்பண்ணை போலீஸாா் வழக்குப் பதிந்து விசாரிக்கின்றனா்.