போக்சோ வழக்கில் கூலித் தொழிலாளிக்கு 18 மாதங்கள் சிறைத் தண்டனை விதித்து ஸ்ரீவில்லிபுத்தூா் நீதிமன்றம் திங்கள்கிழமை தீா்ப்பளித்தது.
விருதுநகா் மாவட்டம், வத்திராயிருப்பு அருகேயுள்ள கூமாப்பட்டி வேதக்கோவில் தெருவைச் சோ்ந்தவா் வீரன் (50). இவா் ராஜபாளையம் அருகேயுள்ள ஒரு கிராமத்தில் பால் கறக்கும் வேலை செய்து வந்தாா். கடந்த 2023-ஆம் ஆண்டு அக்டோபா் 16-ஆம் தேதி வீரன் விளையாடிக் கொண்டிருந்த 3 சிறுமிகளுக்கு சைகை மூலம் பாலியல் தொல்லை கொடுத்தாா்.
இதுகுறித்து குழந்தைகள் உதவி மைய மேற்பாா்வையாளா் விஸ்வநாதன் அளித்தப் புகாரின் பேரில், கீழராஜகுலராமன் போலீஸாா் போக்சோ சட்டத்தின் கீழ் வழக்குப் பதிவு செய்து, வீரனைக் கைது செய்தனா்.
இந்த வழக்கு விசாரணை ஸ்ரீவில்லிபுத்தூரில் உள்ள சிறப்பு போக்சோ நீதிமன்றத்தில் நடைபெற்று வந்தது. இந்த வழக்கை விசாரித்த நீதிபதி சுதாகா் குற்றஞ்சாட்டப்பட்ட வீரனுக்கு 18 மாதங்கள் சிறைத் தண்டனையும், ரூ.5 ஆயிரம் அபராதமும் விதித்து தீா்ப்பளித்தாா்.
