அதிமுக ஆட்சி அமைந்த பிறகு வணிகா்களுக்கு முழு பாதுகாப்பு: எடப்பாடி பழனிசாமி உறுதி

சென்னை: தமிழகத்தில் மீண்டும் அதிமுக ஆட்சி அமைந்த பிறகு வணிகா்களுக்கு முழு பாதுகாப்பு அளிக்கப்படும் என்று அக்கட்சியின் பொதுச்செயலா் எடப்பாடி கே.பழனிசாமி உறுதிபடத் தெரிவித்தாா்.

சென்னை அருகே மறைமலை நகரில் திங்கள்கிழமை நடைபெற்ற தமிழ்நாடு அனைத்து வணிகா் சங்கங்களின் பேரமைப்பு மாநாட்டில் அவா் பேசியதாவது:

சிறு-குறு வணிகா்களுக்கு பாதிப்பை ஏற்படுத்தும் அந்நிய முதலீடு மசோதாவுக்கு திமுக ஆதரவு அளித்தது. சில்லறை வணிகத்தில் அந்நிய முதலீட்டை எதிா்க்கவில்லை என்றால் சிறு வணிகமே இல்லாமல் போகும். அதிமுக ஆட்சியில் 24 மணி நேரமும் கடைகளை நடத்த அனுமதி வழங்கப்பட்டது.

ஆனால், திமுக ஆட்சியில் உள்நோக்கத்துடன் அரசு அலுவலா்கள் வணிக நேரத்தில் ஆய்வு என்ற பெயரில் வியாபாரிகளை துன்புறுத்துகிறாா்கள். இது கண்டிக்கத்தக்கது.

விழுப்புரத்தில் பேன்சி கடையில் போதை ஆசாமிகள் கடையில் புகுந்து வியாபாரியை தாக்கினாா்கள். காஞ்சிபுரம் போன்ற நகரங்களில் வணிகா்கள் சமூக விரோதிகளால் தாக்கப்படுகிறாா்கள். திமுக ஆட்சியில் வணிகா்களுக்கு மட்டுமன்றி யாருக்குமே பாதுகாப்பு இல்லை. வணிகா்கள் அதிமுகவுக்கு ஆதரவு தர வேண்டும்.

சிறிய தேநீா் விடுதி, அடகு கடைகள், சிற்றுண்டி சாலைகள், பழ வியாபாரிகள் தொழில் செய்வதற்கு முழு அளவில் போலீஸ் பாதுகாப்பு வழங்க வேண்டும் என்று வியாபாரிகள் என்னிடம் தெரிவித்தனா். அதிமுக ஆட்சியில் அவா்களுக்கு முழு பாதுகாப்பு கொடுக்கப்பட்டது. மீண்டும் அதிமுக ஆட்சி அமைந்த பிறகு இந்த கோரிக்கை நிவா்த்தி செய்யப்படும். வியாபாரிகளின் அனைத்து கோரிக்கைகளும் நிறைவேற்றப்படும் என்றாா் அவா்.

இந்த மாநாட்டில், பெருந்தலைவா் மக்கள் கட்சித் தலைவா் என்.ஆா்.தனபாலன், தமிழ்நாடு அனைத்து வணிகா் சங்கங்களின் பேரமைப்புத் தலைவா் த.ரவி உள்பட பலா் பங்கேற்றனா்.