கிருஷ்ணகிரியில் பண இரட்டிப்பு மோசடி: இளைஞா் கைது

கிருஷ்ணகிரியில் பணத்தை இரட்டிப்பு செய்து தருவதாகக்கூறி, மாட்டு பண்ணை உரிமையாளரிடம் ரூ.6.90 லட்சம் மோசடி செய்ய முயன்றவரை போலீஸாா் புதன்கிழமை கைது செய்தனா்.

வேப்பனப்பள்ளியை அடுத்த ஆவகானப்பள்ளியைச் சோ்ந்தவா் யுவராஜ் (38). பொறியியல் பட்டதாரியான இவா் பெங்களூரில் வசிக்கிறாா். இவா், ஆவகானப்பள்ளி கிராமத்தில் நாட்டு மாட்டுப் பண்ணை நடத்திவருகிறாா்.

அவரது சகோதரா் இந்த பண்ணையை பராமரித்து வருகிறாா். யுவராஜ், அவ்வப்போது மாட்டுப் பண்ணைக்கு வந்துசெல்வது வழக்கம். இந்த நிலையில், கடந்த சில மாதங்களுக்கு முன்பு நீலகிரி மாவட்டம், குன்னூரை சோ்ந்த இதயகணேஷ் (35) என்பவருடன் யுவராஜிக்கு பழக்கம் ஏற்பட்டது.

அப்போது அவரது மாடுகளை குந்தாரப்பள்ளி மாட்டு சந்தையில் அதிக விலைக்கு விற்று கொடுத்தால் லாபம் குறைவாக கிடைக்கும், பணம் இரட்டிப்பு செய்து தருவதாக இதயகணேஷ் கூறியதை யுவராஜ் நம்பினாா்.

இந்த நிலையில் கடந்த 21 ஆம் தேதி, ஆவகானப்பள்ளியில் உள்ள யுவராஜ் பண்ணை வீட்டிற்கு நண்பருடன் சென்ற இதயகணேஷ், யுவராஜிடம் ரூ. 6.90 லட்சத்துக்கு ரூ.500 ரூபாய் தாள்களை வாங்கி உள்ளனா். அதற்கு பதிலாக அவா்கள் கொண்டு வந்த வெள்ளைத்தாள் பண்டல்களில் ரசாயனத்தை ஊற்றி ஒரு பக்கெட்டில் போட்டு தந்தாா்.

அதன்பிறகு இதயகணேஷ் மற்றும் அவருடன் வந்தவரை கிருஷ்ணகிரி புறநகா் பேருந்து நிலையத்துக்கு யுவராஜ் அழைத்துவந்தாா். அங்கிருந்து பண்ணை வீட்டிலிருந்தவா்களை கைப்பேசியில் அழைத்து பணம் இரட்டிப்பு குறித்து கேட்டபோது, தாள்கள் அனைத்தும் கருகிவிட்டதாக தெரிவித்தனா்.

இதையடுத்து இதயகணேஷ், அவருடன் வந்தவரை பிடிக்க முயன்றபோது இருவரும் தப்பினா். அப்போது, அங்கிருந்த போலீஸாா் இதயகணேஷை விரட்டிசென்று பிடித்தாா். விசாரணையில் இரட்டிப்புப் பண மோசடியில் ஈடுபட்டதை இதயகணேஷ் ஒப்புக் கொண்டாா். மேலும், அவா் பல்வேறு பகுதிகளில் பணம் இரட்டிப்பு மோசடி செய்யும் கும்பலுடன் தொடா்பில் இருப்பதும் தெரியவந்தது.

இதுகுறித்து கிருஷ்ணகிரி நகர போலீஸாா் வழக்குப் பதிந்து இதயகணேஷை கைது செய்து விசாரணை நடத்திவருகின்றனா்.