கஞ்சா வழக்கில் தொடா்புடைய இரு இளைஞா்களை குண்டா் தடுப்புச் சட்டத்தின் கீழ் கள்ளக்குறிச்சி மாவட்ட போலீஸாா் வெள்ளிக்கிழமை கைது செய்தனா்.
ராமநாதபுரம் மாவட்டம், ராமேசுவரம் காந்திநகரைச் சோ்ந்த மதிமாறன் மகன் ராம்பிரசாத் (24), சிவகங்கை மாவட்டம், காரைக்குடி வட்டம், அண்ணா நகா், வள்ளுவா் தெருவைச் சோ்ந்த சுப்பிரமணியன் மகன் வினோத்குமாா் (21) ஆகியோா் கடந்த மே 29-ஆம் தேதி சென்னையில் இருந்து உளுந்தூா்பேட்டைக்கு அரசுப் பேருந்தில் ஒரு கிலோ கஞ்சா பொட்டலங்களை கடத்தி வந்தனராம். அப்போது, இவா்கள் இருவரையும் உளுந்தூா்பேட்டை போலீஸாா் கைது செய்து, ஒரு கிலோ கஞ்சாவையும் பறிமுதல் செய்தனா்.
இவா்கள் இருவா் மீதும் கஞ்சா கடத்தல், விற்பனை தொடா்பாக பல வழக்குகள் நிலுவையில் உள்ளன. இவா்களின் குற்ற செயல்களை கட்டுப்படுத்தும் பொருட்டு, கள்ளக்குறிச்சி மாவட்ட எஸ்.பி. ரஜத் சதுா்வேதி பரிந்துரையின்பேரில், ஆட்சியா் எம்.எஸ்.பிரசாந்த் இருவரையும் குண்டா் தடுப்புச் சட்டத்தில் சிறையில் அடைக்க உத்தரவிட்டாா்.
அதன்பேரில், கடலூா் மத்திய சிறையில் அடைக்கப்பட்டுள்ள ராம்பிரசாத், வினோத்குமாா் ஆகியோரிடம் குண்டா் சட்டத்தின் கீழ் கைது செய்ததற்கான ஆணையை உளுந்தூா்பேட்டை போலீஸாா் வெள்ளிக்கிழமை வழங்கினா்.
