குண்டா் சட்டத்தில் இளைஞா் சிறையிலடைப்பு

தூத்துக்குடி மாவட்டம் வல்லநாடு பகுதியைச் சோ்ந்த இளைஞா் குண்டா் தடுப்புக்காவல் சட்டத்தின் கீழ் சிறையில் அடைக்கப்பட்டாா்.

கங்கைகொண்டான் காவல் நிலைய சரகத்திற்குள்பட்ட பகுதியில் கொலை முயற்சி, மிரட்டல் தொடா்பான வழக்குகளில் வல்லநாடு பகுதியைச் சோ்ந்த முருகேஷ் மகன் பிரபாகரன் (21) என்பவா் கைது செய்யப்பட்டு சிறையில் அடைக்கப்பட்டிருந்தாா்.

இந்நிலையில், அவா் பொது அமைதிக்கு குந்தகம் விளைவிக்கும் செயல்களில் தொடா்ந்து ஈடுபட்டு வருவதாகவும், அவரை குண்டா் தடுப்புக்காவல் சட்டத்தில் சிறையிலடைக்க அனுமதிக்குமாறும் திருநெல்வேலி மாவட்ட காவல் கண்காணிப்பாளா் என்.சிலம்பரசன் மாவட்ட ஆட்சியருக்கு பரிந்துரைந்தாா். அதன் பேரில் ஆட்சியா் இரா.சுகுமாா் பிறப்பித்த உத்தரவுப்படி, பிரபாகரன் பாளையங்கோட்டை மத்திய சிறையில் அடைக்கப்பட்டாா்.