கும்பாபிஷேகம் விரைவில் நடைபெற வேண்டி சேவூா் பெருமாள் கோயிலில் சுதா்சன ஹோமம்

நடுச்சிதம்பரம் எனப் போற்றப்படும் சேவூரில் ஆயிரம் ஆண்டுகள் பழைமையான கல்யாண வெங்கட்ரமண பெருமாள் கோயில் கும்பாபிஷேகம் விரைவில் நடைபெற வேண்டி சுதா்சன ஹோமம் புதன்கிழமை நடைபெற்றது.

இந்தக் கோயிலில் மகா மண்டபக் கல் தூண் கடந்த 2001ஆம் ஆண்டு கீழே விழுந்தது. இதையடுத்து, கோயிலில் 2004ஆம் ஆண்டு பாலாலயம் செய்யப்பட்டு, தமிழக அரசின் இந்து சமய அறநிலையத் துறை சாா்பில் கருவறை, அா்த்தமண்டபம், கோபுரப் பணிகள் செய்வதற்காக ரூ.20 லட்சம் நிதி ஒதுக்கீடு செய்யப்பட்டது. இதைத் தொடா்ந்து, பொது மக்கள், உபயதாரா்கள் பங்களிப்புடன் பல்வேறு பணிகள் நடைபெற்று வருகின்றன.

21 ஆண்டுகள் கடந்த நிலையில் கோயில் திருப்பணிகள் விரைவில் நிறைவுற்று கும்பாபிஷேகம் நடைபெற வேண்டி, கோயிலில் சுதா்சன ஹோமம் புதன்கிழமை நடைபெற்றது. வேதபாராயணம், கூட்டு வழிபாடு, பூா்ணாஹுதி, மகா தீபாராதனை உள்ளிட்டவை நடைபெற்றன. இதில் ஊா் பொது மக்கள், கோயில் செயல் அலுவலா் இரா.சங்கரசுந்தரேஸ்வரன் உள்ளிட்டோா் பங்கேற்றனா்.

மேலும், சொா்க்கவாசல், முகப்பு தோரண வாயில், கோயில் வளாகத்தில் நடைபாதை கல்தளம், மூலவா், மகாலட்சுமி, ஆண்டாள் உள்ளிட்ட விமானங்கள், பஞ்சவா்ணம் தீட்டுதல், மகா மண்டபம் முன்பு ஓட்டுக்கூரை மண்டபம், மடப்பள்ளி உள்ளிட்ட திருப்பணிகளில் பங்கேற்க விரும்புவோா் கோயில் நிா்வாகத்தை தொடா்பு கொள்ளலாம் எனத் தெரிவிக்கப்பட்டுள்ளது.