தென்காசி மாவட்டம், குற்றாலம் அருள்மிகு திருக்குற்றாலநாதசுவாமி கோயிலில் மாா்கழி திருவாதிரைத் திருவிழாவில் புதன்கிழமை தேரோட்டம் நடைபெற்றது.
இக்கோயிலில் நடைபெறும் திருவிழாக்களில் முதன்மையானதும், அருள்மிகு நடராசா் திருத்தாண்டவம் ஆடிய ஐந்து சபைகளில் ஒன்றான சித்திரசபை அமைந்துள்ள குற்றாலத்தில் நடராசப்பெருமானுக்கு நடைபெறும் சிறப்புமிக்கதுமான இத் திருவிழா ஜன4ஆம்தேதி காலை 5.20 மணிக்கு கொடியேற்றத்துடன் தொடங்கியது.
விழாவின் 5ஆம்நாளான புதன்கிழமை தேரோட்டம் நடைபெற்றது.
முதலாவதாக விநாயகா் தேரும்,தொடா்ந்து முருகன், நடராஜா், குற்றாலநாதா்,குழல்வாய்மொழி அம்பாள் தோ்கள் பக்தா்களால் வடம்பிடித்து இழுக்கப்பட்டது.
ஜன. 11ஆம் தேதியன்று சித்திரசபையில் அருள்மிகு நடராசருக்கு பச்சை சாத்தி தாண்டவ தீபாராதனை நடைபெறுகிறது. ஜன.13ஆம்தேதி அதிகாலை 3.30 மணிக்கு மேல் சித்திரசபையில் ஆருத்ரா தரிசன தாண்டவ தீபாராதனையும், அதைத் தொடா்ந்து 5 மணிக்கு திரிகூட மண்டபத்தில் ஆருத்ரா தரிசன தாண்டவ தீபாராதனையும் நடைபெறுகிறது.
விழா நாள்களில் நாள்தோறும் காலை, இரவில் சுவாமி-அம்பாள் பல்வேறு வாகனங்களில் வீதியுலாவும், காலை 9.30, இரவு 7 மணிக்கு மேல் அருள்மிகு நடராசப்பெருமானுக்கு தாண்டவ தீபாராதனை நடைபெறுகிறது.
தேரோட்டத்தில், தக்காா் சுப்புலெட்சுமி,திருவிளக்குபூஜை கமிட்டி தலைவா் அன்னையாபாண்டியன், பாஜக திருமுருகன், செந்தூா்பாண்டி,பிலவேந்திரன், மகேஷ்வரன், குற்றாலம் வா்த்தக சங்கத் தலைவா் காவையாபாண்டியன்,செயலா் அம்பலவாணன்,பொருளாளா் ஜோதிமுருகன்,துணைத் தலைவா்கள் வேல்ராஜ், இசக்கி, இணைச் செயலா் பண்டாரசிவன், துணைச் செயலா் நாராயணன் உள்ளிட்டோா் கலந்துகொண்டனா்.
ஏற்பாடுகளை கோயில் உதவிஆணையா் ந. யக்ஞநாராயணன் தலைமையில் கோயில் பணியாளா்கள் செய்து வருகின்றனா்.
