முன்னாள் பிரதமா் மன்மோகன் சிங்கின் மறைவுக்கு நாடே துக்கம் அனுசரித்து வரும் நிலையில், கொச்சி விமான நிலையத்தில் நடைபெற்ற திறப்பு விழாவில் கலந்துகொண்ட பினராயி விஜயனுக்கு மாநில எதிா்க்கட்சி தலைவரும் காங்கிரஸ் பொதுச் செயலருமான வி.டி.சதீசன் கண்டனம் தெரிவித்துள்ளாா்.
முன்னாள் பிரதமா் மன்மோகன் சிங்கின் மறைவைத் தொடா்ந்து தில்லியில் சனிக்கிழமை நடைபெற்ற அவரது இறுதிச் சடங்கில் குடியரசுத் தலைவா் திரௌபதி முா்மு, பிரதமா் நரேந்திர மோடி, மக்களவை எதிா்க்கட்சித் தலைவா் ராகுல் காந்தி, காங்கிரஸ் தேசிய தலைவா் மல்லிகாா்ஜுன காா்கே, அக்கட்சியின் முன்னாள் தலைவா் சோனியா காந்தி மற்றும் மத்திய அமைச்சா்கள் ராஜ்நாத் சிங், அமித் ஷா உள்ளிட்டோா் கலந்துகொண்டனா்.
இந்நிலையில், கொச்சி சா்வதேச விமான நிலைய லிமிடெட் நிறுவனத்தால் உருவாக்கப்பட்டு, ஐஎச்சிஎல் தாஜ் குழுமத்தால் இயக்கப்படும் 5 நட்சத்திர விடுதியை பினராய் விஜயன் சனிக்கிழமை திறந்து வைத்தாா்.
இதற்கு கண்டனம் தெரிவித்து கொச்சியில் செய்தியாளா்களிடம் வி.டி.சதீசன் கூறியதாவது:
முதல்வா் பினராய் விஜயனின் இந்த செயல் மரியாதையற்ாகவும், பொருத்தமற்ாகவும் உள்ளது. 10 ஆண்டுகள் பிரதமராக இருந்த மன்மோகன் சிங்கின் இறுதிச் சடங்கில் கலந்து கொள்ளாமல் கொச்சி விமான நிலையத்தில் நடைபெறும் நிகழ்ச்சியில் கலந்து கொள்வதும், ஹோட்டலை திறந்து வைப்பதும் முதல்வா் பதவியில் உள்ள ஒருவருக்கு பொருத்தமானதல்ல. இதுபோன்ற நிகழ்ச்சியில் கேரள முதல்வா் கலந்து கொண்டிருக்கக் கூடாது என தெரிவித்தாா்.
