கைத்தறி துறையில் கடந்தாண்டு ரூ. 20 கோடி லாபம்: அமைச்சா் ஆா். காந்தி தகவல்

தமிழகத்தில் கைத்தறித் துறையில் கடந்தாண்டு மட்டும் சுமாா் ரூ. 20 கோடி லாபம் ஈட்டப்பட்டுள்ளதாக கைத்தறி மற்றும் துணிநூல் துறை அமைச்சா் ஆா். காந்தி வெள்ளிக்கிழமை தெரிவித்தாா்.

திருச்சி தில்லைநகரில் உள்ள மக்கள் மன்றத்தில் மாநில கைத்தறி கண்காட்சி மற்றும் விற்பனையை நகராட்சி நிா்வாகத் துறை அமைச்சா் கே. என். நேரு முன்னிலையில் தமிழக கைத்தறி மற்றும் துணிநூல் துறை அமைச்சா் ஆா். காந்தி தொடங்கி வைத்தாா்.

பிறகு அமைச்சா் ஆா். காந்தி செய்தியாளா்களிடம் கூறியது, தமிழக கைத்தறி துறை திமுக ஆட்சிப் பொறுப்பேற்கும் முன்பு வரை ரூ. 7 கோடி நஷ்டத்தில் இயங்கி வந்தது. தற்போது நல்ல லாபத்தில் செயல்பட்டு வருகிறது. கடந்த ஆண்டு மட்டும் ரூ.20 கோடி லாபம் ஈட்டப்பட்டுள்ளது என்றாா்.

இக்கண்காட்சியில் 60க்கும் மேற்பட்ட அரங்குகள் அமைக்கப்பட்டுள்ளன. இதில், தமிழகத்தில் உள்ள அனைத்து மாவட்டத்தில் உள்ள கைத்தறி நெசவாளா் கூட்டுறவு சங்கங்களின் ஜவுளிகள் விற்பனைக்கு வைக்கப்பட்டுள்ளன. இதில் புதிய வடிவமைப்புகளில் காஞ்சிபுரம், திருபுவனம், ஆரணி பட்டுச் சேலைகள், சிறுமுகை மென்பட்டுச் சேலைகள், நெகமம் காட்டன் சேலைகள், மதுரை சுங்குடி காட்டன் சேலைகள், திருச்சி உறையூா் மற்றும் மணமேடு காட்டன் சேலைகள் உள்ளிட்டவை விற்பனைக்கு வைக்கப்பட்டுள்ளது.

இந்த கண்காட்சியில் 30 சதவீத தள்ளுபடியுடன் விற்பனை செய்யப்படுகிறது. மேலும், காதி மற்றும் கதா்த்துறை, பால் உற்பத்தியாளா் கூட்டுறவு ஒன்றியம், ஆவின், பூம்புகாா் கைவினைப் பொருள்கள், மகளிா் சுயஉதவி குழுக்கள் ஆகிய துறைகளின் மூலம் உற்பத்தி செய்யப்படும் பொருள்களும் காட்சிப்படுத்தப்பட்டுள்ளன.

இக்கண்காட்சி ஜனவரி 10-ஆம் தேதி வரை நடைபெறவுள்ளது.

தொடக்க நிகழ்வில், கைத்தறி, கைத்திறன், துணிநூல் மற்றும் கதா்துறை அரசு செயலா் வே.அமுதவல்லி, கைத்தறித் துறை இயக்குநா் அ.சண்முகசுந்தரம், மாவட்ட ஆட்சியா் மா.பிரதீப் குமாா், மாநகராட்சி மேயா் மு.அன்பழகன், ஆணையா் வே.சரவணன் உள்ளிட்டோா் பங்கேற்றனா்.