கொடி நாள் நிதி வசூல் செய்து மாநிலத்தில் 3-ஆம் இடம் பிடித்ததற்காக படைவீரா் கொடி நாள் கோப்பை திருப்பத்தூா் க.சிவசௌந்திரவல்லியிடம் வழங்கப்பட்டது.
முன்னாள் படைவீரா் நலத்துறையின் சாா்பில் முன்னாள் படைவீரா்கள் மற்றும் அவா்களை சாா்ந்தோருக்கான சிறப்பு குறைத்தீா் கூட்டம், சுயதொழில் வேலைவாய்ப்பு கருத்தரங்கம் மற்றும் சிறப்பு மருத்துவ முகாம் வியாழக்கிழமை நடைபெற்றது.
கூட்டத்துக்கு ஆட்சியா் க.சிவசௌந்திரவல்லி தலைமை வகித்தாா். இதில் 2022-ஆம் ஆண்டு கொடிநாள் நிதியாக ரூ.3 லட்சத்து 50 ஆயிரம் வசூலித்த சிவப்பிரகாசம் (அப்போது திருப்பத்தூா் வட்டாட்சியா், தற்போது அலுவலக மேலாளா் குற்றவியல் திருப்பத்தூா் ஆட்சியா் அலுவலகம்), ரூ.3 லட்சம் வசூலித்த குமாா் (அப்போது நாட்டறம்பள்ளி வட்டாட்சியா், தற்போது துணை வட்டாட்சியா்) ஆகியோருக்கு வெள்ளி பதக்கங்கள், சான்றிதழ்கள்களை ஆட்சியா் வழங்கினாா்.
கொடி நாள் நிதி அதிக அளவில் வசூல் செய்து மாநிலத்தில் 3-ஆம் இடம் பிடித்ததற்காக படைவீரா் கொடி நாள் கோப்பையை ஆட்சியா் க.சிவசௌந்திரவல்லிக்குவேலூா் முன்னாள் படைவீரா் நலன் துணை இயக்குநா் லெப்.கா்னல்.ஆா்.பி.வேலு (ஓய்வு) வழங்கினாா். மேலும் 2 முன்னாள் படைவீரா் மற்றும் சாா்ந்தோா்களுக்கு ரூ.90,755 மதிப்பிலான நலத்திட்ட உதவிகளை ஆட்சியா் வழங்கினாா்.
கூட்டத்தில் முன்னாள் படைவீரா்கள் மற்றும் அவா்களை சாா்ந்த 90 போ் கலந்து கொண்டு கோரிக்கைகள் தொடா்பாக 23 மனுக்களை அளித்தனா்.
முன்னாள் படைவீரா் மற்றும் சாா்ந்தோா்களுக்கான சிறப்பு மருத்துவ முகாம் நடைபெற்றது. மேலும் முன்னாள் படைவீரா்கள் சுயதொழில் செய்வது குறித்து கருத்தரங்கம் நடைபெற்றது. இதில் மாவட்ட வேலைவாய்ப்பு அலுவலா் கஸ்தூரி, மாவட்ட தொழில் மைய பொது மேலாளா் பாஸ்கரன், முன்னோடி வங்கி மேலாளா் ராஜன், தாட்கோ மாவட்ட மேலாளா் சரளா ஆகியோா் முன்னாள் படைவீரா்களுக்கான சுயதொழில் மற்றும் வேலைவாய்ப்பு குறித்து பேசினா்.
