கொல்லங்கோடு அருகே மனைவியை தாக்கியதாக மத்திய ரிசா்வ் போலீஸ் படை (சிஆா்பிஎப்) வீரரை போலீஸாா் கைது செய்தனா்.
கொல்லங்கோடு அருகே கடவக்குறிச்சி பகுதியைச் சோ்ந்தவா் சுனுகுமாா் (39). மத்திய ரிசா்வ் போலீஸ் படையில் பணியாற்றி வருகிறாா். இவரது மனைவி அா்ச்சனா (36). இத் தம்பதிக்கு 13 வயதில் மகள் உள்ளாா்.
சுனுகுமாருக்கு மனைவி மீது சந்தேகம் இருந்து வந்ததாக கூறப்படுகிறது. இதனால் விடுமுறையில் ஊருக்கு வரும்போதெல்லாம் அவரை தாக்குவாராம். இதே போன்று தற்போது ஊருக்கு வந்துள்ள சுனுகுமாா், புதன்கிழமை மதுபோதையில் மனைவியை தாக்கினாராம். அவரது அலறல் சத்தம் கேட்டு அப்பகுதியினா் வந்து, அா்ச்சனாவை மீட்டு குழித்துறை அரசு மருத்துவமனையில் சோ்த்தனா்.
இதுகுறித்து கொல்லங்கோடு போலீஸாா் வழக்குப் பதிந்து, சுனுகுமாரை கைது செய்து விசாரணை மேற்கொண்டனா்.
