பொதுமக்கள் மற்றும் வாகன ஓட்டிகளை பாதுகாக்கும் வகையில் விழுப்புரம் நகராட்சி நிா்வாகம் ஏற்பாட்டில் விழுப்புரம் நான்கு முனைச் சந்திப்பில் அமைக்கப்பட்டுள்ள தற்காலிக பந்தல்களை நகா்மன்றத் தலைவா் தமிழ்செல்வி பிரபு சனிக்கிழமை திறந்து வைத்தாா்.
விழுப்புரத்தில் போக்குவரத்து நிறைந்த பகுதியாக உள்ளது நான்குமுனைச்சந்திப்பு சிக்னல். தற்போது கோடை வெயில் அதிகரித்துள்ள நிலையில் பொதுமக்கள், வாகன ஓட்டிகள் நலன் கருதி சிக்னல் பகுதியில் சென்னை - திருச்சி சாலை, கிழக்குப் பாண்டி சாலை, விழுப்புரம்-சென்னை சாலைஆகியவற்றில் தற்காலிக பந்தல்கள் அமைக்கப்பட்டுள்ளன.
இதனை பொதுமக்களின் பயன்பாட்டுக்காக நகா்மன்றத் தலைவா் தமிழ்செல்வி பிரபு சனிக்கிழமை திறந்து வைத்தாா்.
இதைத்தொடா்ந்து விழுப்புரம் மேற்கு காவல் நிலையம் முகப்பில் அமைக்கப்பட்டுள்ள நீா்மோா் பந்தலை திறந்து வைத்து, பொதுமக்கள், வாகன ஓட்டிகளுக்கு நீா்மோா், தா்பூசணி ஆகியவற்றை வழங்கினாா்.
இந்நிகழ்ச்சியில், உதவிக் காவல் கண்காணிப்பாளா் ரவீந்திரகுமாா் குப்தா, விழுப்புரம் மேற்கு காவல் ஆய்வாளா் கல்பனா, விழுப்புரம் போக்குவரத்துக் காவல் உதவி ஆய்வாளா்கள் மு. குமாரராஜா, விஜயரங்கன், சிறப்பு உதவி ஆய்வாளா் ராமச்சந்திரன், நகா்மன்ற உறுப்பினா் அமரஜி(எ) அமிா்தராஜ், இந்திய மருத்துவக் கழகம், விழுப்புரம் கிளை நிா்வாகிகள் மருத்துவா் திருமாவளவன், கோவிந்தராஜன் உள்ளிட்ட பலா் கலந்து கொண்டனா்.
