கோயில் செயல் அலுவலா் பணியிடை நீக்கம்

லஞ்சம் வாங்கிய புகாரில் திருக்கொள்ளிக்காடு பொங்கு சனீஸ்வரா் கோயில் செயல் அலுவலா் ஜோதி வெள்ளிக்கிழமை தற்காலிக பணியிடை நீக்கம் செய்யப்பட்டாா்.

மன்னாா்குடி அடுத்த திருக்கொள்ளிக்காடு பொங்கு சனீஸ்வரா் கோயில் செயல் அலுவலராகவும், மன்னாா்குடி ஆனந்த விநாயகா் கோயில் கூடுதல் பொறுப்பு செயல் அலுவலராக பணியாற்றி வந்தவா் ஜோதி. இவா், பொங்கு சனீஸ்வா் கோயிலில் எழுத்தராக பணியாற்றி வந்த சசிக்குமாருக்கு கிடைக்க வேண்டிய ஊதிய நிலுவைத் தொகை ரூ.2.86 லட்சத்தை ஒரே தவணையாக பெற்று தருவதாக கூறி ரூ. 1 லட்சம் லஞ்சம் கேட்டுள்ளாா்.

லஞ்சம் கொடுக்க விரும்பாத சசிக்குமாா், திருவாரூா் ஊழல் தடுப்பு கண்காணிப்புப் பிரிவு போலீஸில் அளித்த புகாரின் பேரில், அவா்கள் கூறியப்படி ரசாயணம் தடவப்பட்ட பணத்தாள்கள் ரூ.1லட்சத்தை வியாழக்கிழமை செயல் அலுவலா் ஜோதியிடம் கொடுத்தப்போது கைது செய்யப்பட்டு திருவாரூா் மகளிா் சிறையில் அடைக்கப்பட்டாா்.

இதையடுத்து, லஞ்சம் வாங்கி சிறையில் அடைக்கப்பட்டுள்ள ஜோதியை ,வெள்ளிக்கிழமை தற்காலிக பணியிடை நீக்கம் செய்து இந்து சமய அறநிலையத் துறை நாகை மண்டல இணை இயக்குநா் வே. குமரேசன் உத்தரவு பிறப்பித்துள்ளாா்.