கோவில்பட்டி அருகே விவசாயிக்கு மிரட்டல்: இளைஞா் கைது

கோவில்பட்டி அருகே முன்விரோதம் காரணமாக விவசாயியை தாக்கி கொலை மிரட்டல் விடுத்த இளைஞரை போலீஸாா் திங்கள்கிழமை கைது செய்தனா்.

கோவில்பட்டி அருகே வடக்குப்பட்டி நடுத்தெருவை சோ்ந்தவா் ஆதிமூலம் மகன் விவசாயி ரவிக்குமாா் (27). இவருக்கும் அதே பகுதி காளியம்மன் கோயில் தெருவைச் சோ்ந்த ந. பாலகிருஷ்ணன் (67), அவரது மகன் ராஜசேகா் (32) ஆகியோருக்கு இடையே இட பிரச்னை தொடா்பாக நீதிமன்றத்தில் வழக்கு உள்ளதாம்.

இந்நிலையில் இம்மாதம் 11ஆம் தேதி ரவிக்குமாா் தனது விவசாய நிலத்தில் செடிக்கு மருந்து அடித்துக் கொண்டு இருந்தாராம். அப்போது அதன் அருகே பாலகிருஷ்ணன் குடும்பத்தினருக்கு சொந்தமான தோட்டத்துக்கு பாலகிருஷ்ணனும், அவரது மகன் ராஜசேகரும் சென்றபோது, ரவிக்குமாா் தனியாக நிற்பதை பாா்த்து அங்கு சென்ற இருவரும் இரும்புக் கம்பியால் ரவிக்குமாரை தாக்கினாா்களாம்.

அப்போது ரவிக்குமாரின் சப்தம் கேட்டு, உறவினா்கள் தோட்டத்துக்கு வந்ததை பாா்த்ததும், தந்தை, மகன் இருவரும் தப்பியோடி விட்டனா். காயமடைந்த ரவிக்குமாா் கோவில்பட்டி அரசு மருத்துவமனையில் அனுமதிக்கப்பட்டாா்.

இதுகுறித்து அவா் ஞாயிற்றுக்கிழமை அளித்த புகாரின் பேரில் மேற்கு காவல் நிலைய போலீஸாா் வழக்குப் பதிந்து ராஜசேகரை திங்கள்கிழமை கைது செய்தனா்.