சகோதரியின் மகன் அடித்துக் கொலை: இளைஞா் தற்கொலை

பெரியகுளத்தில் மது போதையில் சகோதரியின் மகனை அடித்துக் கொலை செய்த இளைஞா் செவ்வாய்க்கிழமை தூக்கிட்டுத் தற்கொலை செய்து கொண்டாா்.

தேனி மாவட்டம், பெரியகுளம் 6-ஆவது வாா்டு, அண்ணாநகரைச் சோ்ந்தவா் ஆனந்தி (40). கணவரை இழந்த ஆனந்தி தனது மகன் நிஷாந்த் (13) உடன் வசித்து வருகிறாா். ஆனந்தியின் வீட்டில் அவரது சகோதரா் பாண்டீஸ்வரன் (32) என்பவரும் வசித்து வந்தாா்.

இந்த நிலையில், மது பழக்கத்திற்கு அடிமையான பாண்டீஸ்வரன், செவ்வாய்கிழமை இரவு மது போதையில் வீட்டுக்குச் சென்று ஆனந்தியுடன் தகராறு செய்தாா். அப்போது ஆனந்தி, நிஷாந்த் ஆகியோரை பாண்டீஸ்வரன் இரும்புக் கம்பியால் தாக்கினாா். இதில் நிஷாந்த் சம்பவ இடத்திலேயே உயிரிழந்தாா். பலத்த காயமடைந்த ஆனந்தி மயங்கி விழுந்தாா்.

ஆனந்தி, நிஷாந்த் ஆகியோா் இறந்து விட்டதாக கருதிய பாண்டீஸ்வரன், வீட்டில் தூக்கிட்டுத் தற்கொலை செய்து கொண்டாா்.

இது குறித்து தகவலறிந்து சம்பவ இடத்துக்குச் சென்ற பெரியகுளம் போலீஸாா் மயங்கிய நிலையில் கிடந்த ஆனந்தியை மீட்டு, தேனி அரசு மருத்துவக் கல்லூரி மருத்துவமனைக்கு அனுப்பி வைத்தனா். நிஷாந்த், பாண்டீஸ்வரன் ஆகியோரின் சடலங்களை மீட்டு, கூறாய்வுக்காக பெரியகுளம் அரசு மருத்துவமனைக்கு அனுப்பி வைத்தனா். இதுகுறித்து போலீஸாா் வழக்குப் பதிந்து விசாரிக்கின்றனா்.