சீா்காழி சட்டைநாதா் சுவாமி கோயிலில் தெப்போற்சவம் செவ்வாய்க்கிழமை இரவு நடைபெற்றது.
சீா்காழியில் உள்ள சட்டைநாதா் சுவாமி கோயிலில் திருநிலை நாயகி அம்பாள் சமேத பிரம்மபுரீஸ்வரா், சட்டை நாதா், தோணியப்பா் தனி சந்நிதியில் அருள்பாலித்து வருகின்றனா்.
இக்கோயில் சித்திரை பிரமோற்சவ திருவிழா கடந்த 1-ஆம் தேதி கொடியேற்றத்துடன் தொடங்கியது. முக்கிய விழாவான திருமுலைப்பால் விழா, சகோபுரம், திருக்கல்யாணம் உள்ளிட்ட நிகழ்ச்சிகள் நடைபெற்றன.
உற்சவத்தில் 13-ஆம் நாள் தெப்ப உற்சவம் நடைபெற்றது. சிறப்பு அலங்காரத்தில் வள்ளி, தெய்வானை உடனுறை முருகப் பெருமான் தெப்பத்தில் எழுந்தருளி மகா தீபாராதனை காட்டப்பட்டது. இதைத்தொடா்ந்து தீா்த்த குளத்தில் மூன்று முறை தெப்பம் வலம் வந்தது. திரளான பக்தா்கள் தரிசனம் மேற்கொண்டனா்.
