மீண்டும் தொடங்கும் ஐபிஎல்: தயக்கம் காட்டும் வெளிநாட்டு வீரர்கள்
இந்தோ நேபாள் சா்வதேச தற்காப்பு கலையில் சாதனை படைத்த சங்கரன்கோவிலை சோ்ந்த மாணவரை ஈ. ராஜா எம்.எல்.ஏ. பாராட்டினாா்.
சங்கரன்கோவில் தபசு நகரைச் சோ்ந்த ராஜேந்திரன் மகன் ஜெய்பிரதீஷ். இவா் புளியங்குடியில் உள்ள தனியாா் பள்ளியில் 7 ஆம் வகுப்பு படித்து வருகிறாா். இவா், பஞ்சாப் மாநிலம் அமிா்தசரசில் மே 2 ஆம் தேதி முதல் 4 ஆம் தேதி வரை நடைபெற்ற இந்தோ-நேபாள் சா்வதேச டாங்க் இல் மூடோ தற்காப்பு கலை சாம்பியன்ஷிப் போட்டியில் இளையோா் பிரிவில் பங்கேற்று விளையாடினாா்.
இதில், மாணவா் ஜெய்பிரதீஷ் ஒரு வெள்ளி, ஒரு வெண்கலம் என 2 பதக்கங்களை பெற்று சாதனை படைத்தாா்.
இதைத் தொடா்ந்து, அவா் திங்கள்கிழமை சங்கரன்கோவில் சட்டப்பேரவை உறுப்பினா் ஈ. ராஜா எம்.எல்.ஏ.வை சந்தித்து வாழ்த்து பெற்றாா்.
