சென்னை: தாம்பரம் தேசிய சித்தா ஆராய்ச்சி மைய மருத்துவமனையில் புதிதாக அமைக்கப்பட்டுள்ள சிறப்பு நாடி பரிசோதனை மையம், தொலை தொடா்பு மையத்தை மத்திய ஆயுஷ் அமைச்சா் பிரதாப்ராவ் ஜாதவ் திங்கள்கிழமை தொடங்கி வைத்தாா்.
அலுவல் பயணமாக சென்னை வந்துள்ள அவா், இங்கு பல்வேறு நிகழ்ச்சிளில் கலந்துகொண்டாா். ஆயுஷ் மருத்துவ சுற்றுலாவை மேம்படுத்துவதற்கான தேசிய மாநாட்டையும் அவா் தொடக்கி வைத்தாா்.
அதைத் தொடா்ந்து தாம்பரம், சித்த மருத்துவ ஆராய்ச்சி மையத்துக்கு சென்ற அமைச்சா் பிரதாப்ராவ் ஜாவத், அங்கு சித்தா் யோகம் எனும் யோகா பயிற்சி வகுப்பை அறிமுகப்படுத்தினாா்.
பின்னா், புதிதாக அமைக்கப்பட்டிருந்த பாரம்பரிய சித்தா ஆய்வகம், சித்த நாடி பரிசோதனை மையம், 24 மணி நேர சித்த மருத்துவ தொலை தொடா்பு தகவல் மையம் ஆகியவற்றையும் பொது மக்கள் பயன்பாட்டுக்கு கொண்டு வந்தாா்.
மருத்துவமனை வளாகத்தில் மகிழம், இலுப்பை போன்ற மருத்துவ குணம் கொண்ட மரக்கன்றுகளை அவா் நட்டாா்.
அதன் பிறகு, அங்கு சிகிச்சை பெற்று வரும் நோயாளிகளை நேரில் சந்தித்து நலம் விசாரித்த அமைச்சா் ஜாதவ், சித்தா மருத்துவமனையின் சிகிச்சை சேவைகளை கேட்டறிந்தாா்.
தேசிய சித்த நிறுவனத்தின் இயக்குநா் பேராசிரியா் செந்தில்வேல், மருத்துவா்கள் உள்ளிட்டோா் பலா் அப்போது உடனிருந்தனா்.
