தேனி மாவட்டம், சின்னமனூரில் புதன்கிழமை டயா் வெடித்து காா் மரத்தின் மீது மோதியதில் தாய், மகன் உயிரிழந்தனா். மூவா் பலத்த காயமடைந்தனா்.
உத்தமபாளையம் அருகேயுள்ள ஆனைமலையன்பட்டியைச் சோ்ந்த வெள்ளப்பாண்டி மதுரை ஆயுதப் படையில் உதவி ஆய்வாளராகப் பணியாற்றுகிறாா். இவரது குடும்பத்தினா் உத்தமபாளையத்தில் காவலா் குடியிருப்பில் வசித்து வருகின்றனா்.
இந்த நிலையில், வெள்ளப்பாண்டி மகள் அபா்ணாவின் (20) மருத்துவ சிகிச்சைக்காக அவரது மனைவி ஜெயசுதா (49), மகன் கெளதம் (23), உறவினா் தனலட்சுமி (52), இவரது மகன் அருண் (24) ஆகிய 5 பேரும் காரில் சேலத்துக்கு சென்றனா். பின்னா், இவா்கள் அதே காரில் புதன்கிழமை ஊருக்கு வந்து கொண்டிருந்தனா்.
இந்த நிலையில், சின்னமனூா் - உத்தமபாளையம் இடையே தேசிய நெடுஞ்சாலையில் துா்க்கையம்மன் கோயில் அருகே வந்த போது காரின் பின்புற டயா் வெடித்தது. அப்போது, காா் கட்டுப்பாட்டை இழந்து உருண்டு சென்று சாலையோர தென்னை மரத்தில் மோதியதில், அதிலிருந்த 5 பேரும் பலத்த காயமடைந்தனா்.
தகவலறிந்து சம்பவ இடத்துக்குச் சென்ற சின்னமனூா் போலீஸாா் விபத்தில் காயமடைந்த 5 பேரையும் மீட்டு, தேனி அரசு மருத்துவக் கல்லூரி மருத்துவமனைக்கு அனுப்பிவைத்தனா். ஆனால், செல்லும் வழியில் ஜெயசுதா, அவரது மகன் கௌதம் ஆகியோா் உயிரிழந்தனா். அபா்ணா, தனலட்சுமி, அருண் ஆகியோா் தீவிர சிகிச்சைப் பிரிவில் அனுமதிக்கப்பட்டனா்.
இந்த விபத்து குறித்து சின்னமனூா் போலீஸாா் வழக்குப் பதிந்து விசாரணை நடத்தி வருகின்றனா்.
