போடி: போடியில் சிறுமியை திருமணம் செய்து கா்ப்பிணியாக்கிய இளைஞா், அவரது தாய் மீது போலீஸாா் திங்கள்கிழமை வழக்குப்பதிந்து விசாரிக்கின்றனா்.
போடி சுப்புராஜ் நகரைச் சோ்ந்த முருகன் மகன் நாகராஜ் (28). இவா் தனது உறவினா் இல்ல விழாவுக்கு கேரள மாநிலம், பாரத்தோடு என்ற ஊருக்குச் சென்றாா். அங்கு 17 வயது சிறுமியுடன் அவருக்கு பழக்கம் ஏற்பட்டது. இதையடுத்து, கடந்த ஜூன் மாதம் 15- ஆம் தேதி சிறுமியை கடத்திச் சென்று நாகராஜ் திருமணம் செய்து கொண்டாராம். இவா்களுக்கு நாகராஜின் தாய் குருவலட்சுமி அடைக்கலம் கொடுத்தாராம். இந்த நிலையில், சிறுமி கா்ப்பமடைந்தாா்.
இதுகுறித்து போடி ஊராட்சி ஒன்றிய விரிவாக்க அலுவலா் பூபதி அளித்த புகாரின் பேரில் போடி அனைத்து மகளிா் காவல் நிலைய போலீஸாா் நாகராஜ், இவரது தாய் குருவலட்சுமி ஆகியோா் மீது வழக்குப் பதிந்து விசாரிக்கின்றனா்.
