திருமயம் அருகே சிறுமியை பாலியல் வன்கொடுமை செய்த இளைஞருக்கு 20 ஆண்டுகள் சிறைத் தண்டனை விதித்து புதுக்கோட்டை மாவட்ட மகளிா் நீதிமன்றம் செவ்வாய்க்கிழமை தீா்ப்பளித்தது.
புதுக்கோட்டை மாவட்டம், திருமயம் அருகே உள்ள கே. புதுப்பட்டியைச் சோ்ந்தவா் மாணிக்கம் மகன் காா்த்திகேயன் (31). பேருந்து ஓட்டுநரான இவா், தனது பேருந்தில் வந்த 17 வயது சிறுமியை காதலிப்பதாகக்கூறி, கடந்த 2020 ஜனவரியில் கடத்திச் சென்று பாலியல் வன்கொடுமை செய்துள்ளாா். மேலும், சிறுமிக்கு கொலை மிரட்டல் விடுத்துள்ளாா்.
இதுகுறித்து சிறுமியின் பெற்றோா் அளித்த புகாரின்பேரில் வழக்குப் பதிவு செய்த திருமயம் அனைத்து மகளிா் காவல்நிலைய போலீஸாா், காா்த்திகேயனைக் கைது செய்தனா்.
இந்த வழக்கு புதுக்கோட்டை மாவட்ட மகளிா் நீதிமன்றத்தில் நடைபெற்று வந்தது. வழக்கை விசாரித்த நீதிபதி கனகராஜ் செவ்வாய்க்கிழமை தீா்ப்பளித்தாா்.
அதில், குற்றவாளி காா்த்திகேயனுக்கு போக்ஸோ சட்டப் பிரிவின்கீழ் 20 ஆண்டுகள் சிறைத் தண்டனையும், கொலை மிரட்டல் விடுத்த குற்றத்துக்காக 2 ஆண்டுகள் சிறைத் தண்டனையும், கடத்திச் சென்ற குற்றத்துக்காக 7 ஆண்டுகள் சிறைத் தண்டனையும், மொத்தம் ரூ. 14 ஆயிரம் அபராதமும் விதிக்கப்பட்டது. சிறை தண்டனையை ஏககாலத்தில் அனுபவிக்கவும் நீதிபதி உத்தரவிட்டுள்ளாா்.
மேலும், பாதிக்கப்பட்ட சிறுமிக்கு ரூ. 5 லட்சம் இழப்பீடாக தமிழக அரசு வழங்கவும் நீதிபதி தனது உத்தரவில் குறிப்பிட்டுள்ளாா்.
