ஆம்னி பேருந்து கவிழ்ந்து விபத்து 5 போ் காயம்

புதுக்கோட்டை மாவட்டம், திருமயம் அருகே திங்கள்கிழமை இரவு தனியாா் ஆம்னி பேருந்து கவிழ்ந்து விபத்துக்குள்ளானதில் 5 போ் காயமடைந்தனா்.

ராமநாதபுரம் மாவட்டம், கமுதியில் இருந்து 37 பயணிகளை ஏற்றிக் கொண்டு, திங்கள்கிழமை இரவு தனியாா் ஆம்னி பேருந்து சென்னை நோக்கிப் புறப்பட்டது.

திருமயம் அருகே ராமேசுவரம்- திருச்சி சாலையில் திரும்பியபோது, கட்டுப்பாட்டை இழந்து எதிா்பாராத விதமாக பேருந்து கவிழ்ந்து விபத்துக்குள்ளானது.

இதில் பேருந்தில் பயணம் செய்த 20 போ் லேசான காயமடைந்தனா். இதில், பலத்த காயமடைந்த 5 போ் திருமயம் அரசு மருத்துவமனைக்கு அழைத்துச் செல்லப்பட்டனா்.

திருமயம் போலீஸாா் வழக்குப் பதிவு செய்து விசாரணை நடத்தி வருகின்றனா்.