திருட்டு வழக்கில் கைது செய்யப்பட்ட ஊராட்சித் தலைவி திமுகவிலிருந்து நீக்கம்

திருட்டு வழக்கில் கைது செய்யப்பட்ட ஊராட்சித் தலைவி திமுகவிலிருந்து செவ்வாய்க்கிழமை நீக்கப்பட்டுள்ளாா்.

சென்னை நெற்குன்றம் பகுதியை சோ்ந்த வரலட்சுமி என்பவரின் தங்க நகை காஞ்சிபுரத்தில் கடந்த ஜூலை 14-ஆம் தேதி திருட்டு போனது குறித்து சென்னை கோயம்பேடு குற்றப்பிரிவு காவல் நிலைய போலீஸாா் வழக்கு பதிந்து விசாரணை நடத்தி வந்தனா்.

விசாரணையில் திருப்பத்தூா் மாவட்டம் மாதனூா் ஒன்றியம் நரியம்பட்டு ஊராட்சித் தலைவி பாரதி (53) தங்க நகையை திருடியது தெரியவந்தது. அதைத் தொடா்ந்து போலீஸாா் அவரை கைது செய்தனா். இவா் இதே போல பேருந்துகளில் பயணம் செய்யும் பயணிகளிடமிருந்து தங்க நகை திருடியது சம்பந்தமாக பல்வேறு வழக்குகளில் கைது செய்யப்பட்டு சிறை சென்றவா் என்பது குறிப்பிடத்தக்கது.

ஏற்கனவே பல ஆண்டுகளுக்கு முன்பு இவா் ஒருங்கிணைந்த வேலூா் மாவட்ட திமுக மகளிா் அணி நிா்வாகியாக இருந்தாா். திருட்டு வழக்கில் அப்போது கைது செய்யப்பட்டதைத் தொடா்ந்து அவா் கட்சிப் பதவியிலிருந்து நீக்கப்பட்டாா். தற்போது நரியம்பட்டு ஊராட்சித் தலைவியாக பதவி வகித்து வருகிறாா்.

தற்போது காஞ்சிபுரம் திருட்டு வழக்கில் கைது செய்யப்பட்டதைத் தொடா்ந்து அவா் கட்சியின் கட்டுப்பாட்டை மீறியும், கட்சிக்கு அவப்பெயா் ஏற்படுத்தும் வகையில் செயல்பட்டதால் திமுகவின் அடிப்படை உறுப்பினா் பொறுப்பிலிருந்து அவரை நீக்கி கட்சியின் பொதுச் செயலா் துரைமுருகன் அறிவிப்பு வெளியிட்டுள்ளாா்.