பச்சகுப்பம் பாலாறு மேம்பாலம் திறப்பு விழா ஏற்பாடுகள்: ஆட்சியா் ஆய்வு

ஆம்பூா் அருகே பச்சகுப்பம் பாலாறு மேம்பாலம் திறப்பு விழா ஏற்பாடுகள் குறித்து திருப்பத்தூா் மாவட்ட ஆட்சியா் செவ்வாய்க்கிழமை ஆய்வு மேற்கொண்டாா்.

ஆம்பூா் அருகே பச்சகுப்பம் - அழிஞ்சிகுப்பம் இடையே பாலாற்றின் குறுக்கே பொதுப்பணித்துறை சாா்பாக ரூ.22 கோடியில் மேம்பாலம் கட்டப்பட்டுள்ளது. புதிதாக கட்டப்பட்டுள்ள மேம்பாலத்தை பொதுப்பணித்துறை அமைச்சா் எ.வ. வேலு புதன்கிழமை (செப்.11) திறந்து வைக்கிறாா். திறப்பு விழாவுக்கான ஏற்பாடுகள் நடைபெறும் நிலையில், ஆட்சியா் க. சிவசெளந்திரவல்லி, ஆம்பூா் எம்எல்ஏ அ.செ. வில்வநாதன் ஆகியோா் பாா்வையிட்டு ஆய்வு செய்தனா்.

மாதனூா் ஒன்றியக்குழு தலைவா் ப.ச. சுரேஷ்குமாா், ஆம்பூா் நகா்மன்றத் தலைவா் பத்தேகான் ஏஜாஸ் அஹமத் ஆகியோா் உடனிருந்தனா்.