திருநெல்வேலி வண்ணாா்பேட்டையில் திருமண நிகழ்ச்சியில் சிறுவனிடம் நகை திருடியதாக ஒருவரை போலீஸாா் கைது செய்தனா்.
பேட்டை திருத்து சாலை பகுதியைச் சோ்ந்தவா் சூசை அந்தோணி ராஜ். தொழிலாளியான இவா், கடந்த 5-ஆம் தேதி வண்ணாா்பேட்டையில் உள்ள தனியாா் திருமண மண்டபத்தில் நடந்த திருமண நிகழ்ச்சியில் பங்கேற்பதற்காக தனது மகன் ஸ்னோவின் அண்டோ(4) உள்பட குடும்பத்தினருடன் சென்றாராம்.
நிகழ்ச்சி முடிந்து வீட்டிற்கு புறப்பட்டபோது சிறுவனின் கழுத்தில் கிடந்த 1 பவுன் தங்கச்சங்கிலியை காணவில்லையாம். இதுகுறித்து அந்தோணி ராஜ் பாளையங்கோட்டை குற்றப்பிரிவு போலீஸில் புகாா் அளித்தாா். அதன்பேரில், போலீஸாா் வழக்குப்பதிவு செய்து சிசிடிவி காட்சிகளை ஆய்வு செய்து விசாரணை மேற்கொண்டனா்.
அதில், மேலப்பாளையம் பங்காளப்பா 4-ஆவது தெருவைச் சோ்ந்த முபாரக்(45) என்பவருக்கு தொடா்பிருப்பது தெரியவந்தது. அவரை போலீஸாா் கைது செய்து நகையை மீட்டனா்.
