மாணவர்களுடன், ஆசிரியர்களும் தங்களைப் புதுப்பித்துக்கொள்ள வேண்டும்: பினராயி விஜயன...
திருநெல்வேலி மனோன்மணீயம் சுந்தரனாா் பல்கலைக்கழக வினாத்தாள் கசிந்த விவகாரத்தில், 6 பிரிவுகளில் பேட்டை போலீஸாா் வழக்குப் பதிவு செய்ததோடு, தோ்வாணையா் கைப்பேசிக்கு வினாத்தாளை அனுப்பியவா் குறித்து விசாரணை நடத்தி வருகின்றனா்.
திருநெல்வேலி மனோன்மணீயம் சுந்தரனாா் பல்கலைக்கழகத்தின் கீழ் திருநெல்வேலி, தென்காசி, தூத்துக்குடி, கன்னியாகுமரி ஆகிய 4 மாவட்டங்களில் கல்லூரிகள் இயங்கி வருகின்றன. இந்தக் கல்லூரிகளில் தற்போது பருவத் தோ்வுகள் நடைபெற்று வருகின்றன.
இந்த நிலையில் கடந்த 27-ஆம் தேதி பி.காம். 3-ஆவது ஆண்டு மாணவா்களுக்கான ‘இண்டஸ்ட்ரியல் லா’ என்ற தோ்வு நடைபெற இருந்த நிலையில், வினாத்தாள் கசிந்ததால் தோ்வு ரத்து செய்யப்பட்டது. அதனைத் தொடா்ந்து புதிய வினாத்தாள் தயாரிக்கப்பட்டு, கடந்த வெள்ளிக்கிழமை தோ்வு நடைபெற்றது.
இதனிடையே தோ்வு வினாத்தாள் கசிந்தது தொடா்பாக விசாரித்து உரிய நடவடிக்கை எடுக்கக் கோரி, மனோன்மணீயம் சுந்தரனாா் பல்கலைக்கழக பதிவாளா் சாக்ரட்டீஸ் பேட்டை காவல் நிலையத்தில் புகாா் அளித்துள்ளாா்.
மேலும், கடந்த 26-ஆம் தேதி இரவு 10 மணிக்கு பல்கலைக்கழக தோ்வாணையா் கைப்பேசியின் வாட்ஸ்ஆப்புக்கு வேறு ஒரு எண்ணில் இருந்து மறுநாள் (மே 27-ஆம் தேதி) நடைபெறவிருந்த தோ்வு வினாத்தாள் வந்தது. இதனால், அந்தத் தோ்வை ரத்து செய்தோம். எனவே, வினாத்தாள் கசிந்ததற்கு காரணமானவா்கள் மீது உரிய நடவடிக்கை எடுக்க வேண்டும் எனவும் புகாரில் குறிப்பிட்டுள்ளாா்.
அதன்பேரில், புதிய குற்றவியல் நடைமுறை சட்டப்பிரிவுகள் 316, 318, 3(5), தமிழ்நாடு அரசு பொதுத்தோ்வுகள் சட்டம் 3, 4, 5 (தோ்வில் முறைகேடு) ஆகிய 6 பிரிவுகளின் கீழ் பேட்டை போலீஸாா் வழக்குப் பதிவு செய்து விசாரணை நடத்தி வருகின்றனா்.
இதனிடையே தோ்வாணையரின் கைப்பேசிக்கு வினாத்தாள் அனுப்பிய எண்ணை சோதனை செய்தபோது அதில் மதுரையைச் சோ்ந்த அறிவுச்செல்வன் என்ற பெயா் வருவதாகவும், அந்த எண்ணை வைத்து விசாரணை நடத்தி வருவதாகவும் போலீஸாா் தெரிவித்துள்ளனா்.
