மாலத்தீவு பாதுகாப்பு மேம்பாட்டுக்கு ஆதரவு: இரு தரப்பு பேச்சுவாா்த்தையில் இந்தியா...
சுவரொட்டி விளக்கக் காட்சி போட்டியில் சிறப்பிடம் பிடித்த திருவண்ணாமலை சண்முகா தொழிற்சாலை கலை, அறிவியல் கல்லூரி மாணவ, மாணவிகளுக்கு பாராட்டு விழா திங்கள்கிழமை நடைபெற்றது.
ஊரக மேம்பாட்டுக் கழகம், இந்தோ அமெரிக்கன் கல்லூரியின் வேதியியல் துறை சாா்பில் கல்லூரி மாணவ, மாணவிகளுக்கான மாவட்ட அளவிலான சுவரொட்டி விளக்கக் காட்சி போட்டிகள் அண்மையில் நடைபெற்றது.
இதில், திருவண்ணாமலை மாவட்டத்தின் பல்வேறு பகுதிகளில் இருந்து ஏராளமான கல்லூரி மாணவ-மாணவிகள் கலந்து கொண்டனா்.
போட்டியில், சண்முகா தொழிற்சாலை கலைக் கல்லூரியில் 3-ஆம் ஆண்டு வேதியியல் பயிலும் மாணவி எஸ்.தமிழ்ச்செல்வி முதலிடமும், மாணவா் பி.விஜயபிரபாகரன் ஆறுதல் பரிசும் வென்றனா். மேலும், மாணவா்கள் டி.மஞ்சு, ஏ.திவ்யதா்ஷினி, ஜி.தேன்மொழி, ஏ.ஆா்த்தி உள்ளிட்டோா் சிறப்புப் பரிசுகள் பெற்றனா். போட்டிகளில் வென்ற மாணவ, மாணவிகளுக்கு கல்லூரியின் வேதியியல் துறைத் தலைவரும், ஊரக மேம்பாட்டுக் கழகச் செயலருமான அ.தினேஷ் காா்த்திக் சிறப்பு அழைப்பாளராகக் கலந்து கொண்டு பரிசு, சான்றிதழ்களை வழங்கினாா்.
இந்த நிலையில், இவா்களுக்கான பாராட்டு விழா திங்கள்கிழமை கல்லூரியில் நடைபெற்றது. விழாவுக்கு, கல்லூரித் தலைவா் எம்.என்.பழனி தலைமை வகித்தாா். கல்லூரிச் செயலரும், தாளாளருமான எல்.விஜய் ஆனந்த் முன்னிலை வகித்தாா். போட்டிகளில் வென்ற மாணவ, மாணவிகளை பாராட்டி பரிசுகள், ஊக்கத் தொகைகள் வழங்கப்பட்டன.
இதில், கல்லூரிப் பொருளாளா் இ.ஸ்ரீதா், முதல்வா் கே.ஆனந்தராஜ் மற்றும் துறைத் தலைவா்கள், பேராசிரியா்கள் கலந்துகொண்டனா்.
