சேலம் மத்திய சிறையில் முறைகேட்டில் ஈடுபட்ட சிறைக் காவலா் பணியிடை நீக்கம் செய்யப்பட்டாா்.
சேலம் மத்திய சிறையில் 1,250-க்கும் மேற்பட்ட கைதிகள் அடைக்கப்பட்டுள்ளனா். இவா்களுக்காக சிறையில் பேக்கரி செயல்பட்டு வருகிறது. கைதிகள் தயாரிக்கும் மிக்சா், பிஸ்கெட், லட்டு, பிரட், பன் உள்ளிட்டவை சிறைக் கைதிகளுக்கும், பொதுமக்களுக்கும் விற்பனை செய்யப்பட்டு வருகின்றன. இந்த பேக்கரியில் பணியாற்றி வந்த இரண்டாம் நிலைக் காவலா் சுப்பிரமணியம் (35), கைதிகளுக்கு பொருள்களை விற்பனை செய்ததுடன், அதற்கான பணத்தை சிறை கணக்குக்கு செலுத்தாமல் ‘கூகுள் பே’ மூலம் கடந்த ஓராண்டாக பெற்று வந்துள்ளாா்.
தகவலின் பேரில், சிறை அதிகாரிகள் கைதிகளிடம் விசாரணை நடத்தி அதை உறுதிசெய்தனா். பின்னா், ‘கூகுள் பே’-இல் செலுத்தப்பட்ட பணம் எந்த எண்ணுக்கு சென்றது என விசாரித்தபோது, அது சிறைக் காவலா் சுப்பிரமணியத்தின் மாமியாா் பெயரில் இருந்தது தெரியவந்தது. மேலும், ‘கூகுள் பே’ மூலம் அவா் ரூ. 1 லட்சத்து 80 ஆயிரம் வரை பணம் பெற்றிருந்ததும் தெரியவந்தது.
இதையடுத்து, சிறைக் காவலா் சுப்பிரமணியத்தை பணியிடை நீக்கம் செய்யுமாறு சிறைத்துறை ஏடிஜிபி உத்தரவிட்டன்பேரில், சேலம் சிறைக் கண்காணிப்பாளா் வினோத் அவரை பணியிடை நீக்கம் செய்து உத்தரவிட்டாா்.
