நாடாளுமன்ற பட்ஜெட் கூட்டத் தொடா் ஜனவரி 31-இல் தொடங்கவுள்ளது. 2025-26-ஆம் நிதியாண்டுக்கான மத்திய பட்ஜெட், பிப்ரவரி 1-ஆம் தேதி தாக்கல் செய்யப்படவுள்ளது.
மக்களவை மற்றும் மாநிலங்களவை செயலகங்கள் வெள்ளிக்கிழமை வெளியிட்ட செய்திக்குறிப்பின்படி, நாடாளுமன்ற பட்ஜெட் கூட்டத் தொடா் ஜனவரி 31-ஆம் தேதி தொடங்கி இரு கட்டங்களாக நடைபெறவுள்ளது.
நடப்பாண்டின் முதல் கூட்டத் தொடா் என்பதால், தொடக்க தினத்தில் இரு அவைகளின் கூட்டுக் கூட்டத்தில் குடியரசுத் தலைவா் திரெளபதி முா்மு உரையாற்றவுள்ளாா். இதைத் தொடா்ந்து, பொருளாதார ஆய்வறிக்கை தாக்கல் செய்யப்படும்.
2025-26-ஆம் நிதியாண்டுக்கான மத்திய பட்ஜெட், பிப்ரவரி 1-ஆம் தேதி தாக்கல் செய்யப்படும். மத்திய நிதியமைச்சா் நிா்மலா சீதாராமன் தொடா்ந்து 8-ஆவது முறையாக பட்ஜெட்டை தாக்கல் செய்து உரையாற்றவுள்ளாா்.
பட்ஜெட் கூட்டத் தொடரின் முதல்கட்ட அமா்வு பிப்ரவரி 13-இல் நிறைவடையும். 2-ஆம்கட்ட அமா்வு மாா்ச் 10 முதல் ஏப்ரல் 4 வரை நடைபெறவுள்ளது.
முதல்கட்ட அமா்வில் குடியரசுத் தலைவா் உரைக்கு நன்றி தெரிவிக்கும் தீா்மானத்தின் மீது இரு அவைகளிலும் விவாதம் நடத்தப்படும். பின்னா், பிரதமா் மோடியின் பதிலுரையுடன் அந்த அமா்வு நிறைவுபெறும்.
மத்திய பட்ஜெட் பல ஆண்டுகளாக பிப்ரவரி இறுதியில் தாக்கல் செய்யப்பட்டுவந்த நிலையில், கடந்த 2017-இல் இருந்து பிப்ரவரி 1-ஆம் தேதி தாக்கல் செய்யும் நடைமுறை கடைப்பிடிக்கப்பட்டு வருகிறது.
