ஜூன் 18-இல் மேல் சாணாங்குப்பத்தில் ‘உங்களை தேடி உங்கள் ஊரில்’ முகாம்

வரும் புதன்கிழமை (ஜுன் 18) ஆபூா் வட்டத்துக்குள்பட்ட மேல்சாணாங்குப்பத்தில் ‘உங்களைத் தேடி உங்கள் ஊரில்’ திட்ட முகாம் நடைபெற உள்ளது.

இதுகுறித்து ஆட்சியா் க.சிவசௌந்திரவல்லி வெளியிட்ட செய்திக் குறிப்பு

வரும் புதன்கிழமை (ஜூன் 18) காலை 9 முதல் 19-ஆம் தேதி காலை 9 மணி வரை மேல்சாணாங்குப்பம் ஊராட்சியில் ஆய்வு மேற்கொள்ளப்பட உள்ளது.

எனவே, ஆம்பூா் வட்டத்தைச் சோ்ந்த பொதுமக்கள் ஆம்பூா் வட்டாட்சியா் அலுவலகம், உள்வட்ட வருவாய் ஆய்வாளா் அலுவலகங்கள், மற்றும் மேல்சாணாங்குப்பம் ஊராட்சியில் ஆட்சியரிடம் நேரடியாக தங்களது கோரிக்கை மனுக்களை அளித்து பயன்பெறலாம் எனத் தெரிவித்துள்ளாா்.