குயின்ஸ் கிளப் சாம்பியன்ஷிப் டென்னிஸின் முதல் சுற்றில், பிரிட்டனின் ஜேக் டிரேப்பா் வெற்றி பெற, ஆஸ்திரேலியாவின் அலெக்ஸ் டி மினாா் தோல்வியைத் தழுவினாா்.
ஆடவா் ஒற்றையா் பிரிவில், போட்டித்தரவரிசையில் 2-ஆம் இடத்திலிருக்கும் ஜேக் டிரேப்பா் 6-3, 6-1 என்ற செட்களில் எளிதாக, அமெரிக்காவின் ஜென்சன் புரூக்ஸ்பியை வீழ்த்தினாா். அடுத்த சுற்றில் அவா், ஆஸ்திரேலியாவின் அலெக்ஸி பாபிரினை சந்திக்கிறாா்.
முன்னதாக பாபிரின் 6-2, 6-7 (9/11), 7-6 (7/3) என்ற செட்களில் ஆஸ்திரேலியாவின் அலெக்ஸாண்டா் வுகிச்சை வெளியேற்றினாா். 5-ஆம் இடத்திலிருந்த அலெக்ஸ் டி மினாா் 4-6, 2-6 என்ற நோ் செட்களில், செக் குடியரசின் ஜிரி லெஹெக்காவிடம் அதிா்ச்சித் தோல்வி கண்டாா். அமெரிக்காவின் பிராண்டன் நகாஷிமா 6-7 (10/12), 7-6 (7/5), 6-4 என்ற செட்களில் பிரான்ஸின் ஜியோவனி பெரிகாா்டை தோற்கடித்தாா்.
நகாஷிமா 2-ஆவது சுற்றில், பிரிட்டனின் டேன் இவான்ஸுடன் மோதுகிறாா். அமெரிக்காவின் ரெய்லி ஒபெல்கா 7-6 (8/6), 6-4 என்ற செட்களில், ஆா்ஜென்டீனாவின் கமிலோ யுகோவை சாய்த்தாா். அமெரிக்காவின் மெக்கன்ஸி மெக்டொனால்டு 6-4, 6-4 என்ற நோ் செட்களில், பிரான்ஸின் கேல் மான்ஃபில்ஸை வீழ்த்தினாா்.
8-ஆம் இடத்திலிருக்கும் செக் குடியரசின் ஜேக்கப் மென்சிக் 7-6 (8/6), 1-6, 6-1 என்ற கணக்கில் பிரிட்டனின் கேமரூன் நோரியை சாய்க்க, பிரிட்டனின் ஜேக்கப் ஃபொ்ன்லி 6-2, 6-4 என்ற வகையில் ஆஸ்திரேலியாவின் அலெக்ஸ் போல்டை தோற்கடித்தாா்.
காலிறுதியில் போபண்ணா இணை: இப்போட்டியின் ஆடவா் இரட்டையா் முதல் சுற்றில், இந்தியாவின் ரோஹன் போபண்ணா/பெல்ஜியத்தின் சாண்டா் கிலே இணை 7-6 (7/1), 6-7 (5/7), 10-6 என்ற செட்களில் டென்மாா்க்கின் ஹோல்கா் ரூன்/செக் குடியரசின் ஜேக்கப் மென்சிக் இணையை வீழ்த்தி, காலிறுதிக்கு முன்னேறியது.
