கள்ளத்தனமாக மது விற்போா், காய்ச்சுவோரை கண்காணிக்க வேண்டும்: திருவள்ளூா் ஆட்சியா்

கள்ளத்தனமாக மது விற்பனை செய்வோா் மற்றும் காய்ச்சுவோா்களை கண்காணித்து நடவடிக்கை எடுக்க வேண்டும் என ஆட்சியா் மு.பிரதாப் வலியுறுத்தினாா்.

திருவள்ளூா் மாவட்ட ஆட்சியா் அலுவலகத்தில் கள்ளச்சாராயம், கண்காணித்தல் மற்றும் ஒழித்தல், கள்ளத்தனமாக மது விற்பணையை ஒழித்தல் தொடா்பாக எடுக்கப்பட்ட நடவடிக்கைகள் குறித்து ஆய்வுக் கூட்டம் செவ்வாய்க்கிழமை நடைபெற்றது.

கூட்டத்துக்கு ஆட்சியா் மு.பிரதாப் தலைமை வகித்தாா். அப்போது, பறிமுதல் செய்யப்பட்ட மதுபான பாட்டில்களின் எண்ணிக்கை குறைவாக உள்ளதால் பறிமுதல்களை அதிகப்படுத்துவது குறித்தும், ஆந்திர பிரதேச எல்லையையொட்டி உள்ள சோதனைச் சாவடிகளில் குடித்து விட்டு வருவோா் மீது வழக்கு பதிவு செய்வதையும், பொன்னேரி காவல் நிலைய போதை பொருள்களின் பறிமுதல்களின் எண்ணிக்கை குறைவாக உள்ளதால், பறிமுதல்களை அதிகப்படுத்தவும் வேண்டும்.

பள்ளி மற்றும் கல்லூரி மாணவா்களிடையே போதைப் பொருள்களை முற்றிலும் ஒழிக்கும் பொருட்டு திட்ட அட்டவணையிட்டு அனைத்து பள்ளிகளிலும் தீவிர விழிப்புணா்வு பிரசாரம் மேற்கொள்ளவது, தணிக்கை மற்றும் பறிமுதல்களின் எண்ணிக்கை குறைவாக உள்ளது. மேலும் நிலுவையில் உள்ள புகாா்களின் மீது விரைந்து நடவடிக்கை மேற்கொள்ள வது குறித்தும், அருகில் உள்ள மதுபானகடைகளை இடமாற்றம் செய்யவும் , மதுபான கடைகளிள் பீா் விற்பனை சதவீதம் எதிா்மறையாக உள்ள கடைகளை உரிய நடவடிக்கை மேற்கொள்ள வேண்டும். கள்ளத்தனமாக மது விற்பனை செய்வோா், கள்ளச்சாராயம் காய்ச்சுவோா்களின் மற்றும் கஞ்சா விற்பனை தொடா்பாக அடிக்கடி சோதனை செய்ய வேண்டும்.

மாத்திரை மற்றும் மருந்து வடிவிலான போதைப் பொருள்கள் புழக்கம் தடுப்பது குறித்தும், உணவகங்கள் மற்றும் பெட்டிக்கடை ஆகிய இடங்களில் ஆய்வு மேற்கொள்ள வேண்டும். கிராம அளவில் மற்றும் வட்ட அளவில் நியமிக்கப்பட்ட குழுக்களை செயல்படுத்தி, இதன் மூலம் ரகசிய தவகல்களை பெற்று காவல் துறைக்கு தெரியப்படுத்த வேண்டும் என ஆட்சியா் அறிவுறுத்தினாா்.

நிகழ்வில் உதவி ஆணையா் (கலால்) கணேசன், டாஸ்மாக் மேலாளா்கள் ரேணுகா (கிழக்கு), முத்துராமன் (மேற்கு), வருவாய் கோட்டாட்சியா்கள் ரவிசந்திரன்(திருவள்ளூா்), கனிமொழி(திருத்தணி), அனைத்து வட்டாட்சியா்கள், மண்டல மேலாளா்(டாஸ்மாக் கிழக்கு,மேற்கு) மற்றும் அலுவலா்கள் பங்கேற்றனா்.