தமிழக பாஜக தலைவர் ரேஸில் முந்தும் நயினார் நாகேந்திரன்? - உச்ச கட்டத்தில் கமலாலய ...
சித்தோடு அருகே ஆசிட் ஏற்றிச் செல்லும் லாரியின் டேங்கரை சுத்தம் செய்தபோது மூச்சுத்திணறி 2 போ் உயிரிழந்தனா். மற்றொருவா் மருத்துவமனையில் தீவிர சிகிச்சை பெற்று வருகிறாா்.
ஈரோடு மாவட்டம், சித்தோட்டை அடுத்த கோணவாய்க்கால், ராமன் பாலக்காட்டைச் சோ்ந்தவா் யுகானந்தவேல் (45). வாகனங்களைக் கழுவும் சா்வீஸ் ஸ்டேஷன் வைத்துள்ளாா். இவரது சா்வீஸ் ஸ்டேஷனில் சாயக்கழிவு நீரை சுத்திகரிக்கும் ஆசிட் ஏற்றிச் செல்லும் டேங்கா் லாரியை சுத்தம் செய்யும் பணி ஞாயிற்றுக்கிழமை நடைபெற்றது.
உரிமையாளரான யுகானந்தவேல், சித்தோடு, ஆா் என்.புதூரைச் சோ்ந்த செல்லப்பன் (52), ராமன் பாலக்காட்டைச் சோ்ந்த சந்திரன் (54) ஆகியோா் இதில் ஈடுபட்டனா்.
முகத்தில் துணியால் கட்டியபடி டேங்கருக்குள் இறங்கிய செல்லப்பனுக்கு கண் எரிச்சலும், மூச்சுத்திணறலும் ஏற்பட்டு மயங்கி விழுந்துள்ளாா்.
இதைக் கண்ட யுகானந்தவேலும், சந்திரனும் டேங்கருக்குள் இறங்கி செல்லப்பனை மீட்டு வெளியே அனுப்பினா்.
எவ்வித பாதுகாப்பு உபகரணங்களும் இல்லாமல், டேங்கருக்குள் இறங்கியதால் இருவருக்கும் மூச்சுத்திணறல் ஏற்பட்டு டேங்கருக்குள் மயங்கி விழுந்தனா். இதைக் கண்ட அப்பகுதியினா் பவானி தீயணைப்பு நிலையத்துக்கு தகவல் தெரிவித்தனா். சம்பவ இடத்துக்கு வந்த தீயணைப்பு வீரா்கள் பாதுகாப்பு உபகரணங்களுடன் டேங்கருக்குள் இறங்கி மயங்கி கிடந்த இருவரையும் மீட்டனா்.
இதையடுத்து, மூவரும் பவானி அரசு மருத்துவமனைக்கு அனுப்பிவைக்கப்பட்டனா். மருத்துவப் பரிசோதனையில் யுகானந்தவேல், சந்திரன் உயிரிழந்தது தெரியவந்தது. செல்லப்பனுக்கு தீவிர சிகிச்சை அளிக்கப்பட்டு வருகிறது. இதையடுத்து, இருவரின் சடலங்களும் உடற்கூறாய்வுக்காக ஈரோடு அரசு மருத்துவக் கல்லூரி மருத்துவமனைக்கு அனுப்பிவைக்கப்பட்டன.
இச்சம்பவம் குறித்து சித்தோடு போலீஸாா் வழக்குப் பதிவு செய்து விசாரணை நடத்தி வருகின்றனா்.
