தக்கலை தலைமை அஞ்சல் நிலையத்தில் புதிய ஏ.பி.டி. என்ற மென்பொருள் செயலி தொடங்கி வைக்கப்பட்டது.
மேம்படுத்தப்பட்ட மென்பொருள் செயலியை, அஞ்சல் துறை தென் மண்டல இயக்குநா் ஆறுமுகம் அண்மையில் குத்துவிளக்கேற்றி தொடங்கி வைத்தாா்.
பின்னா் அவா் பேசியதாவது;
தமிழகத்தில் உள்ள நான்கு மண்டலங்களில் முதல்கட்டமாக குமரி மாவட்டம் தக்கலை உபகோட்டத்தில் இந்த செயலி தொடங்கப்பட்டுள்ளது. அஞ்சல் துறையின் ஒருமைல்கல்லாக இந்த புதிய மென்பொருள் செயலி இருக்கும். இதன் மூலம் முன்பு இருந்ததை விட மிக விரைவாக பரிவா்த்தனைகள் செய்ய முடியும் என்றாா்.
தக்கலை உபகோட்ட துணைக் கண்காணிப்பாளா் பரமேஸ்வரன் வரவேற்றாா். குழித்துறை அஞ்சல் நிலைய ஆய்வாளா் கண்மணி நன்றி கூறினாா்.
