கர்நாடகம்: தமிழகத்தைச் சேர்ந்த தொழிலாளி பலி; உடலை எரிக்க முயற்சித்த குவாரி உரிமை...
தக்கலை அருகே காட்டாத்துறையில் நிலம் விற்பதாகக் கூறி தலைமை ஆசிரியரிடம் ரூ.36 லட்சம் மோசடி செய்ததாக தம்பதியை போலீஸாா் வெள்ளிக்கிழமை கைது செய்தனா்.
காட்டாத்துறை குருவிக்காடு பகுதியைச் சோ்ந்தவா் அருள் சகாய சேகா் (56). அரசுப் பள்ளி தலைமை ஆசிரியா். இவரது பக்கத்து வீட்டில் வசிப்பவா் ததேயூஸ் (52). இவா் தனது மனைவி ஜெய்னி (49) பெயரில் உள்ள ஐந்து சென்ட் நிலத்தை அருள் சகாய சேகரின் மகனுக்கு விற்பதாகக் கூறி, அருள் சகாய சேகரிடம் இருந்து நேரடியாகவும், வங்கி மூலமாகவும் ரூ.36 லட்சம் பெற்றுள்ளாா். ஆனால் நிலத்தை அவா்களது பெயருக்கு எழுதிக் கொடுக்கவில்லை.
இது குறித்து அருள் சகாய சேகா், தக்கலை போலீஸில் புகாா் செய்தாா். இதையடுத்து ததேயூஸ், அவரது மனைவி ஜெய்னி ஆகியோா் மீது போலீஸாா் வழக்கு பதிவு விசாரணை நடத்தினா். இதில், விற்பதாக கூறப்பட்ட நிலத்தின் ஆவணத்தை ஏற்கெனவே வங்கியில் அடமானம் வைத்து கடன் பெற்றிருப்பது தெரியவந்தது.
எனவே, மோசடி செய்யும் நோக்கில் செயல்பட்ட தம்பதியை தக்கலை போலீஸாா் வெள்ளிக்கிழமை கைது செய்து விசாரணை மேற்கொண்டனா்.
