தங்க கருட வாகனத்தில் உற்சவா் ராஜகோபால சுவாமி

மன்னாா்குடி ராஜகோபால சுவாமி கோயிலில் அட்சய திருதியை முன்னிட்டு தங்ககருட வாகன உற்சவம் புதன்கிழமை நடைபெற்றது.

ஹரித்ராநதி தெப்பக்குளம் மேல்கரையில் உள்ள அஹேபில மடத்திலிருந்து, உற்சவா் ராஜகோபால சுவாமி சிறப்பு அலங்காரத்தில் தங்க கருட சேவை வாகனத்தில் எழுந்தருளி முக்கிய வீதிகள் வழியாக வந்து பின்னா், ராஜகோபால சுவாமி கோயிலின் நான்கு பிரகாரங்களை சுற்றிவந்து சந்நிதியை வந்தடைந்தாா். அப்போது, சாலையில் இருபுறங்களிலிலும் திரளான பக்தா்கள் கூடி சுவாமி தரிசனம் செய்தனா். கோயில் அறங்காவல் குழுத் தலைவா் சி. இளவரசன், செயல் அலுவலா் எஸ். மாதவன் உள்ளிட்டோா் பங்கேற்றனா்.