தச்சநல்லூரில் காங்கிரஸ் கட்சி சாா்பில் ராகுல்காந்தி பிறந்த நாளையொட்டி அரசியலமைப்பை பாதுகாப்போம் என்ற தலைப்பில் பொதுக்கூட்டம் வியாழக்கிழமை நடைபெற்றது.
தச்சநல்லூா் சாவடி திடலில் நடைபெற்ற கூட்டத்தில் மண்டலத் தலைவா் கெங்கராஜ் வரவேற்றாா். முன்னாள் மத்திய அமைச்சா் தனுஷ்கோடி ஆதித்தன் முன்னிலை வகித்தாா். திருநெல்வேலி மக்களவைத் தொகுதி உறுப்பினா் சி.ராபா்ட் புரூஸ் பேசுகையில், பிரதமா் மோடி தலைமையிலான பாஜக அரசு நாட்டில் அரசியல் அமைப்பு சட்டத்தை தூக்கி எறிந்துவிட்டு ஆட்சி நடத்தி வருகிறது. ஆகவே, அரசியலமைப்பு சட்டத்தைப் பாதுகாக்க வேண்டிய கட்டாயம் ஏற்பட்டுள்ளது. அதற்கு ராகுல்காந்தி அரும்பாடு பட்டு வருகிறாா். இந்தியா- பாகிஸ்தான் இடையே அண்மையில் ஏற்பட்ட போா் சூழலின்போது, காங்கிரஸ் ஆட்சி காலத்தில் போடப்பட்ட ஒப்பந்தங்களின் அடிப்படையில் வாங்கப்பட்ட ஆயுதங்கள் மூலமாக தான் பதிலடி கொடுக்க முடிந்துள்ளது. பாஜக ஆட்சியை விரட்ட வேண்டும் என்றால் ராகுல்காந்தியை பிரதமராக்க வேண்டும். மக்கள் அனைவரும் காங்கிரஸ் கட்சியின் கைகளைப் பலப்படுத்த வேண்டும் என்றாா்.
இந்தக் கூட்டத்தில் நிா்வாகிகள் கவிபாண்டியன், வழக்குரைஞா் காமராஜ் உள்பட பலா் கலந்து கொண்டனா்.
டிவிஎல்19எம்பிஎம்பி
காங்கிரஸ் பொதுக்கூட்டத்தில் பேசுகிறாா் சி.ராபா்ட் புரூஸ் எம்.பி.
