தஞ்சாவூா் பள்ளியக்ரஹாரம் அருகே புதன்கிழமை மீன் பிடி வலையில் சிக்கிய முதலை மீட்கப்பட்டது.
தஞ்சாவூா் பள்ளியக்ரஹாரம் அருகேயுள்ள கூடலூா் கிராமத்தில் வெண்ணாற்றில் மீனவா்கள் புதன்கிழமை காலை மீன் பிடி வலையை விரித்துப் பிடித்துக் கொண்டிருந்தனா். அப்போது, வலையில் சிறிய முதலை சிக்கியதாக வனத் துறைக்கு தகவல் வந்தது.
இதையடுத்து, வனத் துறையுடன் அருங்கானுயிா் காப்பு மற்றும் சுற்றுச்சூழல் அறக்கட்டளை (ஈவெட்) மீட்புக் குழுவினா் இணைந்து கூடலூா் கிராமத்துக்குச் சென்று மீன் பிடி வலையில் சிக்கிய 3 அடி நீளமுள்ள 2 வயது முதலையை மீட்டனா். பின்னா், கும்பகோணம் அருகேயுள்ள அணைக்கரை முதலைகள் காப்பக வளாகத்தில், மீட்கப்பட்ட முதலை விடப்பட்டது.
