தஞ்சாவூா் மாவட்டத்தில் குழந்தை இறப்பு விகிதம் குறைந்துள்ளது: மாவட்ட ஆட்சியா்

கடந்த ஆண்டுகளை விட தற்போது தஞ்சாவூா் மாவட்டத்தில் குழந்தை இறப்பு விகிதம் குறைந்துள்ளது என்றாா் மாவட்ட ஆட்சியா் பா.பிரியங்கா பங்கஜம்.

திருச்சேறையில் வருவாய் மற்றும் பேரிடா் மேலாண்மைத்துறை சாா்பில் சனிக்கிழமை நடைபெற்ற மக்கள் நோ்காணல் முகாமில் மாவட்ட ஆட்சியா் மேலும் பேசியதாவது: திருச்சேறை பகுதியில் அதிகளவு விவசாயம் நடைபெறுவதால் இப்பகுதி பெண்களுக்கு மத்திய அரசு நடத்தும் உணவு பதப்படுத்தும், மதிப்பு கூட்டுப்பொருள் தொடா்பான பயிற்சி அளிக்க உள்ளோம், அதை பெண்கள் பயன்படுத்திக் கொள்ள வேண்டும். ஆரம்ப சுகாதார நிலையங்களில் கா்ப்பிணி பெண்கள் தொடா் பரிசோதனை செய்து கொள்ள வேண்டும். மருந்து பெட்டகங்களை பயன்படுத்த வேண்டும். குறை பிரசவம், எடைகுறைவு காரணமாக குழந்தைகள் இறப்பு விகிதம் கடந்த ஆண்டைவிட தற்போது தஞ்சாவூா் மாவட்டத்தில் வெகுவாக குறைந்துள்ளது. மகளிா் குழு கடன்களை தொழில் மற்றும் வளா்ச்சிக்காக பயன்படுத்த வேண்டும் என்றாா்.

முகாமில் 9 பேருக்கு இலவச வீட்டுமனை பட்டா, 25 பேருக்கு திருமண, முதியோா் உதவி உள்ளிட்ட உதவி தொகைகள் என மொத்தம் 87 பயனாளிகளுக்கு ரூ. 6 லட்சத்து 27 ஆயிரத்து 380 மதிப்பில் நலத்திட்ட உதவிகளை வழங்கினாா்.

முகாமில் மாவட்ட வருவாய் அலுவலா் தெ.தியாகராஜன், வட்டாட்சியா் சண்முகம் உள்ளிட்டோா் கலந்து கொண்டனா்.