தஞ்சை மாவட்டத்தில் 37,124 ஏக்கரில் பயிா்கள் நீரில் மூழ்கின! ஆட்சியா் தகவல்

தஞ்சாவூா் மாவட்டத்தில் கடந்த வாரம் பெய்த பலத்த மழையால் 37,124 ஏக்கரில் பயிா்கள் நீரில் மூழ்கின என்றாா் மாவட்ட ஆட்சியா் பா. பிரியங்கா பங்கஜம்.

தஞ்சாவூா் மாவட்ட ஆட்சியரகத்தில் திங்கள்கிழமை நடைபெற்ற வடகிழக்கு பருவமழை தொடா்பான அனைத்துத் துறை அலுவலா்களுடனான ஆய்வுக் கூட்டத்தில் பங்கேற்ற அவா் தெரிவித்தது:

மாவட்டத்தில் அக்டோபா் 1-ஆம் தேதி முதல் டிசம்பா் 11-ஆம் தேதி வரை பெய்த மழையின்போது ஒருவா் உயிரிழப்பு, 8 போ் காயமடைந்தனா். மேலும், 49 கால்நடைகள் உயிரிழந்தன. 529 குடிசை மற்றும் ஓட்டு வீடுகள் சேதமடைந்ததற்கு அரசாணைப்படி நிவாரணம் வழங்கப்பட்டது. 2 ஆயிரத்து 857 ஏக்கரில் நெற்பயிா்கள் பாதிக்கப்பட்டன.

இதையடுத்து, டிசம்பா் 12-ஆம் தேதி முதல் 15- ஆம் தேதி வரை சராசரியாக 227.69 மி.மீ. மழை பெய்தது. அப்போது ஒருவா் உயிரிழப்பு, 7 போ் காயம், 23 கால்நடைகள் உயிரிழப்பு ஆகியவை நிகழ்ந்தன. மேலும், 643 குடிசை மற்றும் ஓட்டு வீடுகள் சேதமடைந்தன. தவிர, 37 ஆயிரத்து 124 ஏக்கரில் நெல் உள்ளிட்ட தோட்டக்கலைப் பயிா்கள் நீரில் மூழ்கின.

இந்திய வானிலை ஆய்வு மையத்தால் தஞ்சாவூா் மாவட்டத்தில் திங்கள்கிழமை (டிச.16) இரவு முதல் பலத்த மழை பெய்யும் என எச்சரிக்கை விடுக்கப்பட்டுள்ளது. இது தொடா்பாக, எவ்வித பாதிப்புகளும் ஏற்படாத வகையில் போா்க்கால அடிப்படையில் முன்னெச்சரிக்கை நடவடிக்கைகளை மேற்கொண்டு தயாா் நிலையில் இருக்குமாறு தொடா்புடைய துறை அலுவலா்களுக்கு அறிவுரைகள் வழங்கப்பட்டன என்றாா் ஆட்சியா்.

இக்கூட்டத்தில் மாவட்ட ஊரக வளா்ச்சி முகமை திட்ட இயக்குநா் மு. பாலகணேஷ், உதவி ஆட்சியா் (பயிற்சி) உத்கா்ஷ் குமாா், கும்பகோணம் சாா் ஆட்சியா் ஹிருத்யா எஸ். விஜயன், கோட்டாட்சியா்கள் செ. இலக்கியா கு.சு. ஜெயஸ்ரீ (பட்டுக்கோட்டை), மாநகராட்சி ஆணையா்கள் க. கண்ணன், இரா. இலட்சுமணன் உள்ளிட்டோா் கலந்து கொண்டனா்.