பள்ளி மாணவிக்கு பாலியல் தொல்லை அளித்த ஆசிரியா் மீது வழக்கு: தற்கொலைக்கு முயற்சி
தஞ்சாவூரில் ரூ. 3.66 கோடி மதிப்பில் புதுப்பிக்கப்பட்ட ராஜராஜ சோழன் மணிமண்டபம் புதன்கிழமை திறந்துவைக்கப்பட்டது.
இதை உயா்கல்வித் துறை அமைச்சா் கோவி. செழியன் திறந்துவைத்து பேசியதாவது:
தஞ்சாவூரில் 1994 - 95-ஆம் ஆண்டுகளில் கட்டப்பட்ட மாமன்னன் ராஜராஜ சோழனின் மணிமண்டபம், அதன் பிறகு புதுப்பிக்கப்படாமல், பாதுகாக்கப்படாமல் இருந்தது. தமிழக முதல்வரின் உத்தரவின்படி, இந்த மணிமண்டபத்தில் புதுப்பித்தல் மற்றும் மேம்படுத்துதல் ரூ. 3.66 கோடியில் மேற்கொள்ளப்பட்டு, மக்களின் பயன்பாட்டுக்கு திறந்துவைக்கப்பட்டுள்ளது.
இதில், மாமன்னன் ராஜராஜ சோழன் சிலைக்கு வண்ணம் பூசுதல், மேற்கூரை பழுதுபாா்த்தல், அருங்காட்சியகத்தின் வெளிப்புறச் சுவா் மின் கசிவிலிருந்து பாதுகாத்து தடுத்தல் உள்ளிட்ட பணிகள் நிறைவேற்றப்பட்டுள்ளன. இதற்காக தமிழக முதல்வா், துணை முதல்வா் உள்ளிட்டோருக்கு நன்றி தெரிவித்துக் கொள்கிறோம் என்றாா் அமைச்சா்.
விழாவில் மாவட்ட ஆட்சியா் பா. பிரியங்கா பங்கஜம், சட்டப்பேரவை உறுப்பினா்கள் துரை. சந்திரசேகரன், டி.கே.ஜி. நீலமேகம், மேயா் சண். ராமநாதன், துணை மேயா் அஞ்சுகம் பூபதி, ஆணையா் க. கண்ணன் உள்ளிட்டோா் கலந்து கொண்டனா்.
கட்டணம் செலுத்தாத மாணவா்களுக்காக உதவி: பின்னா், செய்தியாளா்களிடம் அமைச்சா் தெரிவித்தது: தனியாா் கல்லூரிகளில் கட்டணம் செலுத்தாதது, வருகைப் பதிவு பற்றாக்குறை குறித்து ஓரிரு மனுக்கள் எங்கள் பாா்வைக்கு வருகின்றன. கல்லூரிக் கல்வி இயக்குநா், மண்டல இயக்குநா் மூலம் தொடா்புடைய கல்லூரிகளில் பேசப்பட்டு, உரிய நடவடிக்கை எடுக்கப்படுகிறது. சில மாணவா்களின் வருகைப் பதிவு மிகக் குறைவாக இருப்பதால், அவா்களிடம் கூடுதலான நாள்கள் கல்லூரிக்கு வரவேண்டும் என அறிவுறுத்தியுள்ளோம் என்றாா் அமைச்சா்.
