சென்னை அணியில் 17 வயது இளம் வீரர் அறிமுகம்! சீனியர் வீரருக்கு ஓய்வு!
தமிழகத்தில் வனத் தீ பருவகாலத்தில் மலையேற்ற வழித்தடங்கள் மூடப்பட்டிருந்த நிலையில், தற்போது முதல்கட்டமாக 23 வழித்தடங்கள் மீண்டும் திறக்கப்படுள்ளதாக தமிழக வனத்துறை தெரிவித்துள்ளது.
இது குறித்து அந்தத் துறை சாா்பில் வெளியிடப்பட்ட செய்திக் குறிப்பு:
தமிழகத்தில் வனத் தீ ஏற்படும் அபாயம் இருந்ததால், கடந்த பிப்.15 முதல் ஏப்.15-ஆம் தேதி வரை 40 மலையேற்ற வழித்தடங்கள் மூடப்பட்டிருந்தன. தற்போது, முதல்கட்டமாக வனத் தீ பாதிப்பு அபாயம் இல்லாத 23 மலையேற்ற வழித்தடங்கள் புதன்கிழமை முதல் மீண்டும் திறக்கப்பட்டுள்ளன.
விரங்கள்: அதன்படி, நீலகிரி மாவட்டத்தில் 8 மலையேற்ற வழித்தடங்கள், கன்னியாகுமரியில் 3 வழித்தடங்கள், திருப்பத்தூா், கிருஷ்ணகிரி மாவட்டங்களில் தலா 2 வழித்தடங்களும், கோவை, திருப்பூா், திருநெல்வேலி, தென்காசி, திண்டுக்கல், கிருஷ்ணகிரி, சேலம், திருவள்ளூா் ஆகிய மாவட்டங்களில் தலா 1 வழித்தடம் என மொத்தம் 23 வழித்தடங்கள் திறக்கப்பட்டுள்ளன. இந்த வழித்தடங்கள் பாதுகாப்பு அடிப்படையில் எளிது, மிதமான சிரம், கடினம் என 3 வகைகளாக பிரிக்கப்பட்டுள்ளன.
மேலும், மீதமுள்ள 17 வழித்தடங்களும் விரைவில் திறக்கப்படும். மேலும் தகவல்களுக்கு இணையதளத்தைக் காணலாம். மலையேற்ற வழித்தடம் மூலம் கடந்த ஆண்டு நவ.1 முதல் நிகழாண்டு பிப்.14-ஆம் தேதி வரை தமிழக அரசு ரூ. 63.43 லட்சம் வருவாய் ஈட்டியுள்ளது குறிப்பிடத்தக்கது என்று தெரிவிக்கப்பட்டுள்ளது.
