தமிழகம் முழுவதும் நாளைமுதல் திமுக வாக்குச் சாவடி முகவா்களுக்கு 3 நாள்கள் பயிற்சி

வாக்குச் சாவடி வாரியாக உறுப்பினா்களைச் சோ்ப்பது தொடா்பாக, திமுகவின் வாக்குச் சாவடி முகவா்களுக்கு 3 நாள்கள் பயிற்சி அளிக்கப்பட உள்ளது. இதனை அமைச்சரும், தகவல் தொழில்நுட்ப அணியின் செயலருமான டிஆா்பி ராஜா தெரிவித்தாா்.

சென்னையில் உள்ள அண்ணா அறிவாலயத்தில் புதன்கிழமை நடைபெற்ற தலைமை பயிற்றுநா்களுக்கான பயிற்சியை அவா் தொடங்கி வைத்தாா். அதன்பிறகு, செய்தியாளா்களுக்கு அமைச்சா் ராஜா அளித்த பேட்டி:

திமுகவில் புதிய உறுப்பினா்களைச் சோ்ப்பதற்கான பயணம் ஜூன் 25-ஆம் தேதி தொடங்கி இருக்கிறது. இந்தப் பயணத்தில் 234 தொகுதிகளிலுமிருந்து எங்களது அணியைச் சோ்ந்த பாா்வையாளா்களுக்கு பயிற்சி அளித்துள்ளோம்.

அடுத்ததாக இந்த 234 பேரும் எதிா்வரும் 27-ஆம் தேதி தொடங்கி 29-ஆம் தேதி வரை தொகுதிகளைச் சோ்ந்த திமுகவின் வாக்குச்சாவடி முகவா்களுக்கு பயிற்சி கொடுப்பா். இந்தப் பணிகள் நிறைவடைந்த பிறகு, ஜூலை 1-ஆம் தேதி உறுப்பினா் சோ்க்கைக்கான பணியை முதல்வரும் கட்சித் தலைவருமான மு.க.ஸ்டாலின் தொடங்கி வைக்கவுள்ளாா். ஜூலை 2-ஆம் தேதி இந்தப் பணியை மாவட்ட செயலா்கள் மேற்கொள்வா். ஜூலை 3-ஆம் தேதி இது மாபெரும் இயக்கமாக மேற்கொள்ளப்படும். இதுபோன்ற முயற்சி இதுவரை இந்தியாவில் எந்தக் கட்சியிலும் நடந்தது இல்லை என்றாா் அவா்.

இந்த பயிற்சி முகாமின் போது, திமுக அமைப்புச் செயலா் ஆா்.எஸ்.பாரதி, செய்தித் தொடா்பு தலைவா் டிகேஎஸ். இளங்கோவன், இணை அமைப்புச் செயலா் அன்பகம் கலை, தமிழ்நாடு வீட்டுவசதி வாரியத்தின் தலைவா் பூச்சி எஸ்.முருகன், தகவல் தொழில்நுட்ப அணியின் இணைச் செயலா் ஆா்.மகேந்திரன், ஆலோசகா் கோவி.லெனின், துணைச் செயலா் காா்த்திக் மோகன் உள்பட நிா்வாகிகள் பலா் பங்கேற்றனா்.