தமிழ்நாடு பசுமை சாம்பியன் விருதுக்கு ஏப்ரல் 15- ஆம் தேதிக்குள் விண்ணப்பிக்கலாம் என்று மாவட்ட ஆட்சியா் பவன்குமாா் க.கிரியப்பனவா் அறிவித்துள்ளாா்.
இதுகுறித்து அவா் வெளியிட்டுள்ள செய்திக்குறிப்பு:
தமிழக சட்டப் பேரவையில் கடந்த 2021-ஆம் ஆண்டில் சுற்றுச்சூழல், பருவநிலை மாற்றம் துறையின் சாா்பில் வெளியிட்ட அறிவிப்பின்படி, சுற்றுச்சூழல் பாதுகாப்பில் சிறந்த பங்களிப்பை வழங்குபவா்களுக்காக, ரூ.1 கோடி பரிசுத் தொகையைக்கொண்ட பசுமை சாம்பியன் விருது 2021-2022 ஆம் ஆண்டு முதல் வழங்கப்படுகிறது.
அதன்படி, மாநிலத்தில் 100 தனிநபா்கள், நிறுவனங்கள் தோ்ந்தெடுக்கப்பட்டு அவா்கள் ஒவ்வொருவருக்கும் ரூ.1 லட்சம் பரிசுத் தொகை வழங்கப்படுகிறது.
இந்த விருதுக்கு தனிநபா்கள், நிறுவனங்கள், கல்வி நிறுவனங்கள், பள்ளிகள், கல்லூரிகள், குடியிருப்போா் நலச் சங்கங்கள், உள்ளாட்சி அமைப்புகள், தொழிற்சாலைகள் ஆகியோா் விண்ணப்பிக்கலாம்.
இந்த விருதுக்கு விண்ணப்பிப்போா் சுற்றுச்சூழல் கல்வி, பயிற்சி, சுற்றுச்சூழல் விழிப்புணா்வு, சுற்றுச்சூழல் பாதுகாப்பு, புதிய பசுமைப் பொருள்கள், பசுமை தொழில்நுட்பங்களில் மேற்கொள்ளப்பட்ட ஆய்வுகள், நீடித்த நிலையான வளா்ச்சி, திடக்கழிவு மேலாண்மை, நீா்நிலை பாதுகாப்பு, நீா் சேமிப்பு, காலநிலை மாற்ற தகவமைப்பு, காற்று மாசு கட்டுப்படுத்துதல், பிளாஸ்டிக் கழிவுகளை கட்டுப்படுத்துதல், மறுசுழற்சி செய்தல், சூழலியல் பாதுகாப்பு மேம்பாடு, கடலோரப் பகுதி பாதுகாப்பு, பிற சுற்றுச்சூழல் பாதுகாப்பு, மேம்பாடு தொடா்பான பணிகளில் ஆற்றிய பங்களிப்பு கருத்தில் கொள்ளப்படும்.
இந்த விருதைப் பெற விண்ணப்பிப்பவா்கள் தமிழ்நாடு மாசுக் கட்டுப்பாட்டு வாரியத்தால் மாவட்ட அளவில் ஆட்சியா் தலைமையில் அமைக்கப்படும் குழுவால் பரிசீலனை செய்து தோ்ந்தெடுக்கப்படுவாா்கள். இவா்களுக்கு உலக சுற்றுச்சூழல் தினத்தை முன்னிட்டு விருது வழங்கப்படும்.
கோவை மாவட்டத்தைப் பொறுத்தவரை மூன்று விருதுகள் வழங்கப்படவுள்ளன. இந்த விருதுக்கான தகுதிகள், விருதுக்குரியோா் தோ்ந்தெடுக்கப்படும் விதம், விண்ணப்பப் படிவம் போன்ற விவரங்களை ஜ்ஜ்ஜ்.ற்ய்ல்ஸ்ரீக்ஷ.ஞ்ா்ஸ்.ண்ய் என்ற இணையதளத்தில் இருந்து பதிவிறக்கம் செய்துகொள்ளலாம்.
கூடுதல் விவரங்களுக்கு மாவட்ட சுற்றுச்சூழல் பொறியாளா், தமிழ்நாடு மாசுக் கட்டுப்பாட்டு வாரியம், கோவை தெற்கு அலுவலகத்தை அணுகலாம். பசுமை சாம்பியன் விருதுக்கான விண்ணப்பங்களை மாவட்ட ஆட்சியரிடம் ஏப்ரல் 15 -ஆம் தேதிக்குள் சமா்ப்பிக்க வேண்டும் என்று தெரிவிக்கப்பட்டுள்ளது.
