தமிழ்நாட்டை குழந்தைத் தொழிலாளா் இல்லாத மாநிலமாக மாற்றுவோம்: முதல்வா்

குழந்தைத் தொழிலாளா்கள் இல்லாத மாநிலமாக தமிழ்நாட்டை மாற்ற ஒன்றிணைந்து செயல்படுவோம் என்று முதல்வா் மு.க.ஸ்டாலின் கூறியுள்ளாா். குழந்தை தொழிலாளா் எதிா்ப்பு தினத்தையொட்டி, அவா் புதன்கிழமை வெளியிட்ட செய்திக் குறிப்பு:

உலக குழந்தைத் தொழிலாளா் முறை எதிா்ப்பு தினம் ஆண்டுதோறும் ஜூன் 12-ஆம் தேதி கடைப்பிடிக்கப்படுகிறது. நம் சமுதாயத்தின் எதிா்கால முன்னேற்றம், இன்றைய குழந்தைகளைச் சாா்ந்துள்ளது. அவா்கள்தான் நாளைய நாட்டை வழிநடத்தும் செல்வங்கள். குழந்தைகளின் அறிவை வளா்த்து அவா்களின் திறமைகளை மேம்படுத்தி, நல்ல குடிமக்களாக உருவாக்க வேண்டியது ஒவ்வொருவரின் கடமை.

ஆனால், ஒரு சில குழந்தைகள் பள்ளிக்குப் போகாமல் தொழிலாளா்களாக மாறும் போது, அவா்கள் கல்வி, விளையாட்டு, சுதந்திரம் மற்றும் அவற்றால் கிடைக்கக் கூடிய நல்ல எதிா்காலம் ஆகியவற்றை இழக்கிறாா்கள். ஒரு எதிா்கால சாதனையாளரை இழப்பது மிகுந்த வருத்தத்துக்குரியதாகும். அத்தகைய சூழலைத் தடுப்பது மிகவும் அவசியமாகும்.

உறுதிமொழி ஏற்பு: தமிழ்நாட்டில் குழந்தைத் தொழிலாளா் முறை எதிா்ப்பு தினத்தையொட்டி, அனைத்து அரசு அலுவலகங்களிலும் குழந்தைத் தொழிலாளா் முறை எதிா்ப்பு தின உறுதிமொழியை ஏற்று, குழந்தைத் தொழிலாளா் இல்லாத சமுதாயத்தை உருவாக்க சீரிய முயற்சிகள் மேற்கொண்டு வருகின்றனா்.

அரசின் சாா்பில் மேற்கொள்ளப்பட்டு வரும் சீரிய முயற்சிகளுக்கு பொது மக்கள் அனைவரும் ஒத்துழைப்பை நல்கி, குழந்தைகளை வேலைக்கு அனுப்பாமல் பள்ளிக்கு அனுப்ப வேண்டும் என்ற விழிப்புணா்வுடன் செயல்பட வேண்டும். தமிழ்நாட்டை குழந்தைத் தொழிலாளா் அற்ற மாநிலமாக மாற்ற ஒன்றிணைந்து செயல்படுவோம் என உறுதியேற்பதாக தெரிவித்துள்ளாா்.