தரவரிசை: அல்கராஸ், பாலினி முன்னேற்றம்

டென்னிஸ் உலகத் தரவரிசையில், இத்தாலியன் ஓபன் சாம்பியனான ஸ்பெயினின் காா்லோஸ் அல்கராஸ், இத்தாலியின் ஜாஸ்மின் பாலினி ஆகியோா் முன்னேற்றம் கண்டனா்.

1000 புள்ளிகள் கொண்ட இத்தாலியன் ஓபன் டென்னிஸ் போட்டி அண்மையில் நிறைவடைந்ததை அடுத்து, ஆடவா் மற்றும் மகளிருக்கான உலகத் தரவரிசையில் ஏற்ற, இறக்கங்கள் ஏற்பட்டுள்ளன. இதில் டாப் 10 இடங்களில் குறிப்பிடத்தக்க மாற்றங்கள் நிகழ்ந்துள்ளன.

அந்தப் போட்டியில் ஆடவா் ஒற்றையரில் சாம்பியனான அல்கராஸ், ஓரிடம் முன்னேறி 2-ஆம் இடத்தைப் பிடித்திருக்கிறாா். ஜொ்மனியின் அலெக்ஸாண்டா் ஸ்வெரெவை அவா் பின்னுக்குத் தள்ளினாா். இறுதிச்சுற்றில் தோற்ற இத்தாலி வீரா் யானிக் சின்னா், மாற்றமின்றி உலகின் நம்பா் 1 வீரராக நீடிக்கிறாா்.

அதே போட்டியில் மகளிா் ஒற்றையரிலும், இரட்டையரிலும் என இரு சாம்பியன் பட்டம் வென்று சாதனை படைத்த உள்நாட்டு வீராங்கனை ஜாஸ்மின் பாலினி, ஓரிடம் ஏற்றம் கண்டு 4-ஆம் இடத்துக்கு வந்துள்ளாா். இறுதியில் தோற்ற அமெரிக்காவின் கோகோ கௌஃப் 2-ஆவது இடத்துக்கு முன்னேற, நடப்பு சாம்பியனாக இருந்த போலந்தின் இகா ஸ்வியாடெக் 5-ஆவது இடத்துக்கு சறுக்கியுள்ளாா். பெலாரஸின் அரினா சபலென்கா மாற்றமின்றி முதலிடத்தில் நிலைக்கிறாா்.

டாப் 10 தரவரிசை

ஏடிபி

ரேங்க் வீரா் புள்ளிகள்

1 யானிக் சின்னா் (இத்தாலி) 10,380

2 காா்லோஸ் அல்கராஸ் (ஸ்பெயின்)+1 8,850

3 அலெக்ஸாண்டா் ஸ்வெரெவ் (ஜொ்மனி)-1 7,285

4 டெய்லா் ஃப்ரிட்ஸ் (அமெரிக்கா) 4,625

5 ஜேக் டிரேப்பா் (பிரிட்டன்) 4,610

6 நோவக் ஜோகோவிச் (சொ்பியா) 4,080

7 கேஸ்பா் ரூட் (நாா்வே) 3,905

8 லொரென்ஸோ முசெத்தி (இத்தாலி)+1 3,860

9 அலெக்ஸ் டி மினாா் (ஆஸ்திரேலியா)-1 3,635

10 ஹோல்கா் ரூன் (டென்மாா்க்) 3,440

டபிள்யூடிஏ

ரேங்க் வீராங்கனை புள்ளிகள்

1 அரினா சபலென்கா (பெலாரஸ்) 10,683

2 கோகோ கௌஃப் (அமெரிக்கா)+1 6,863

3 ஜெஸ்ஸிகா பெகுலா (அமெரிக்கா)+1 6,243

4 ஜாஸ்மின் பாலினி (இத்தாலி)+1 5,865

5 இகா ஸ்வியாடெக் (போலந்து)-3 5,838

6 மிரா ஆண்ட்ரீவா (ரஷியா)+1 4,986

7 மேடிசன் கீஸ் (அமெரிக்கா)-1 4,674

8 கின்வென் ஜெங் (சீனா) 4,368

9 எம்மா நவாரோ (அமெரிக்கா) 3,831

10 பௌலா படோசா (ஸ்பெயின்) 3,641